ءساۋىر ايىنان باستاپ دەكرەتكە شىققاندارعا قاتىستى جاڭا ەرەجە ەنگىزىلدى

استانا. قازاقپارات - 2025 -جىلدىڭ ءساۋىر ايىنان باستاپ قازاقستاندا دەكرەتتىك تولەمدەردى ەسەپتەۋ ءتارتىبى وزگەردى.

جاڭا ەرەجەلەر ەڭبەك جانە حالىقتى الەۋمەتتىك قورعاۋ مينيسترلىگىنىڭ باستاماسىمەن ەنگىزىلدى. بۇعان 2024 -جىلى انىقتالعان زاڭ بۇزۋشىلىقتار سەبەپ بولدى. سول جىلى 113 انا دەكرەتتىك تولەمدى زاڭسىز ارتتىرعانى ءۇشىن تەرگەۋگە الىنعان. زيان كولەمى - 158 ميلليون تەڭگە.

جاڭا ءتارتىپ بويىنشا:

1. دەكرەتكە شىققان ايەلدەر قانداي تولەمدەر الادى؟

ءبىرجولعى تولەم (جۇكتىلىك پەن بوسانۋعا بايلانىستى): جۇكتىلىكتىڭ 30-اپتاسىنان باستاپ بوسانعانعا دەيىنگى جانە بوسانعاننان كەيىنگى كەزەڭگە (بارلىعى 126 كۇنگە دەيىن).

بالا تۋۋىنا بايلانىستى ءبىرجولعى تولەم – م ر پ كولەمىنە بايلانىستى بەكىتىلگەن سوما.

بالا كۇتىمىنە بايلانىستى اي سايىنعى جاردەماقى - 1,5 جاسقا دەيىن تولەنەدى.

ماڭىزدى: جۇمىس ىستەيتىن ايەلدەر بارلىق تولەمدى الادى، ال جۇمىس ىستەمەيتىندەر تەك بالا تۋۋىنا بايلانىستى ءبىرجولعى تولەم مەن كۇتىم جاردەماقىسىن الادى.

2. ەسەپتەۋدە ەسكەرىلەتىن شەكتەۋ

ەندى الەۋمەتتىك تولەمدەردى ەسەپتەۋ كەزىندە ەڭ كوپ تابىس 7 ەڭ تومەنگى جالاقىدان (م ز پ) اسپاۋى ءتيىس. بۇل - 2025 -جىلى 595000 تەڭگە. ياعني ەڭ جوعارى تولەم:

جۇكتىلىك پەن بوسانۋ بويىنشا - 2249100 تەڭگە

بالا كۇتىمى بويىنشا - 214000 تەڭگە/ايىنا

بالا تۋۋىنا بايلانىستى تولەم - 149416 تەڭگە

وسىلايشا، ەڭ جوعارى جالپى تولەم - 6250000 تەڭگە (22 اي ىشىندە).

3. قانداي تابىسقا يە ايەلدەر بۇل تولەمدى الادى؟

ەگەر ايەلدىڭ رەسمي جالاقىسى 595 مىڭ تەڭگەدەن جوعارى بولسا، تولەم سول شەكتى تابىس بويىنشا ەسەپتەلەدى. بۇرىن بىرنەشە جۇمىس ورنىنان تۇسكەن تابىستار بىرىكتىرىلىپ ەسەپتەلسە، ەندى ول مۇمكىن ەمەس.

4. زاڭسىز تولەمدەرگە توسقاۋىل

ەندى دەكرەتكە شىققاننان كەيىن جاسالعان الەۋمەتتىك اۋدارىمدار ەسەپكە الىنبايدى. بۇرىن ايەلدەر دەكرەتتە ءجۇرىپ، ءوز اتىنا اۋدارىم جاساپ، جاردەماقىنى وسىرە الاتىن. بۇل ولقىلىق جويىلدى.

5. جۇمىس ىستەمەيتىن انالارعا وزگەرىس جوق

ولار بۇرىنعىداي تەك بالا تۋۋىنا بايلانىستى جانە كۇتىم بويىنشا جاردەماقى الادى:

1-3 بالا - 149416 تەڭگە (38 م ر پ)

4 جانە ودان كوپ بالا - 247716 تەڭگە (63 م ر پ)

كۇتىم جاردەماقىسى (ايىنا):

1-بالا - 22648 تەڭگە

2-بالا - 26777 تەڭگە

3-بالا - 30866 تەڭگە

4 جانە ودان كوپ - 34995 تەڭگە

مىسالى: جۇمىس ىستەمەيتىن انا 1-بالا ءۇشىن 22 ايدا 557000 تەڭگە الادى.

6. 300000 تەڭگە جالاقى الاتىن انا قانشا الادى؟

دەكرەتتىك تولەم: 1134000 تەڭگە

تۋۋ تولەمى: 149416 تەڭگە

كۇتىم بويىنشا جاردەماقى: 108000 تەڭگە

بارلىعى: 3227000 تەڭگە (22 اي ىشىندە)

7. اكەلەر دە جاردەماقى الا الادى

بالا كۇتىمىنە بايلانىستى جاردەماقىنى اكە دە راسىمدەي الادى. ول رەسمي تۇردە دەكرەتكە شىعىپ، جۇمىس ورنىنا قايتىپ ورالۋ قۇقىعىنا يە.

اقپارات informburo.kz سايتىنان الىنعان.