ءسان-سالتانات سالىعى قاشان كۇشىنە ەنەدى
قارجى ۆيتسە-ءمينيسترى ەرجان ءبىرجانوۆ ءسان-سالتانات سالىعىنا قاتىستى ۇسىنىستار جۇمىس توبىندا قارالىپ جاتقانىن ايتتى، دەپ حابارلايدى Kazinform.
«قازىر ءسان-سالتانات سالىعىنا قاتىستى ۇسىنىستار قىزۋ تالقىدان ءوتىپ جاتىر. جاڭا سالىق كودەكسى بويىنشا جۇمىس توبى ءتيىستى ۇسىنىستاردى پىسىقتاۋعا كىرىستى. جالپى، اتالعان سالىققا قاتىستى نورما 2025-جىلدان باستاپ كۇشىنە ەنۋى مۇمكىن»، - دەدى ە. ءبىرجانوۆ ءماجىلىستىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، ءسان سالتانات سالىعىن ەسەپتەۋدىڭ ءتيىستى مەجەسى قارالىپ جاتىر.
«ءتۇرلى وپتسيالار پىسىقتالادى. بۇل رەتتە، قىمبات اۆتوكولىكتەردىڭ نەمەسە بىرنەشە پاتەردىڭ بولۋىنا قاتىستى ماسەلەلەر قارالىپ جاتىر. دەگەنمەن جۇمىس توبىنىڭ شەشىمىن ناقتى ايتا المايمىن، سەبەبى تالقىلاۋ پروتسەسى اياقتالعان جوق»، - دەدى ۆيتسە-مينيستر.
بيىل قازان ايىندا پرەمەر-ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ ءسان-سالتانات سالىعى بايلىققا ەمەس، اسىرا بايلىققا سالىناتىنىن ايتقان ەدى.
