ەلوردادا COVID- تان كەيىن اۋرۋى اسقىنعاندار وڭالتۋ ورتالىقتارىندا تەگىن ەم الادى
الەۋمەتتىك مەديتسينالىق ساقتاندىرۋ قورى نۇر- سۇلتان قالاسى بويىنشا فيليالى وڭالتۋ قىزمەتتەرىن كورسەتەتىن 45 مەديتسينا ۇيىمىمەن كەلىسىمشارت جاساعان. ولاردىڭ ىشىندە: جەكەمەنشىك - 20، مەملەكەتتىك - 22، رەسپۋبليكالىق - 3 مەديتسينا ۇيىمى بار.
مەديتسينالىق وڭالتۋ ءۇش كەزەڭنەن تۇرادى. ءبىرىنشىسى اۋرۋى اسقىنىپ تۇرعان ناۋقاستارعا، حيرۋرگيالىق وپەراتسيا جاساتقان، جاراقات العان ادامدارعا ارنالعان. ول ستاتسيونارلاردىڭ قۇرىلىمدىق بولىمشەلەرىندە جۇرگىزىلەدى.
ەگەر پاتسيەنتتى اۋرۋحاناعا جاتقىزۋ قاجەت بولماسا، مەديتسينالىق كومەك كورسەتىلگەننەن كەيىن جانە نەگىزگى اۋرۋ ەمدەلىپ بولعاننان كەيىن پاتسيەنت وڭالتۋدىڭ ەكىنشى نەمەسە ءۇشىنشى كەزەڭىنە جىبەرىلەدى. وڭالتۋدىڭ ەكىنشى كەزەڭى مامانداندىرىلعان بولىمشەلەردە نەمەسە رەسپۋبليكالىق دەنساۋلىق ساقتاۋ ۇيىمدارى، مامانداندىرىلعان وڭالتۋ ورتالىقتارى مەن كوپبەيىندى ستاتسيونارلار بازاسىندا وتەدى.
بۇل كەزەڭ اۋرۋ باستالعان ساتتەن باستاپ توعىز اي ىشىندە جۇرگىزىلۋى قاجەت. كۋرستىڭ ۇزاقتىعى مەن جيىلىگى نوزولوگياعا، ناۋقاستى دەنساۋلىق جاعدايىنا، تاعى دا باسقا فاكتورلارعا بايلانىستى. ءۇشىنشى كەزەڭدە مەديتسينالىق وڭالتۋ ەمحانا- امبۋلاتوريا دەڭگەيىندە، كۇندىزگى جانە تاۋلىك بويعى ستاتسيونارلاردا، وڭالتۋ ورتالىقتارىندا، شيپاجايلار مەن كۋرورتتاردا، ۇيدەگى ستاتسيونار جاعدايىندا، سونداي- اق قاشىقتىقتان جۇرگىزىلەدى.
كۋرستىڭ جيىلىگى مەن ۇزاقتىعى پاتسيەنتتىڭ دەنساۋلىعىنا قاراي بەلگىلەنەدى. «م ءا م س ەنگىزىلگەلى بەرى مەديتسينالىق وڭالتۋ دا دامي باستادى. 2021 -جىلى ەلوردادا بۇل باعىتتا 4,6 ملرد تەڭگە جۇمسالعان. ەلوردانىڭ كۇندىزگى ستاتسيونارلارىندا 98,2 مىڭ پاتسيەنت وڭالتۋدان وتسە، تاۋلىك بويعى ستاتسيونارلاردا - 129 مىڭ ادام وڭالتۋدان وتكەن. امبۋلاتوريالىق- ەمحانالىق دەڭگەيدە ەلوردا تۇرعىندارىنا 671 مىڭ وڭالتۋ قىزمەتى كورسەتىلدى» - دەدى الەۋمەتتىك مەديتسينالىق ساقتاندىرۋ قورى نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
ەم كۋرسى - 5-6 كۇن. ەمگە:
• ماسساج (بارلىق ءتۇرى)
• ە ف ك (ونىڭ ىشىندە، تىنىس الۋ گيمناستيكاسى، سيگۋن)
• فيزيوەمدەۋ
• تۇز شاحتاسى، كيسلورودتى كوكتەيل،
• باسسەين، فيتوبوچكا
• بيناۋرالدى تەراپيا
• پسيحيكالىق تۇزەتۋ جانە پسيحولوگيالىق ەم-شارالار كىرەدى.
