نۇر- سۇلتاندا COVID-19 بويىنشا جەدەل جاردەم شاقىرتۋ كوبەيدى

نۇر- سۇلتان. قازاقپارات - ەلوردادا ك ۆ ي بويىنشا جەدەل مەديتسينالىق جاردەم ستانسياسىنا تۇسكەن شاقىرتۋلار مەن وتىنىشتەر سانى ارتتى، كوروناۆيرۋسقا بايلانىستى كۇنىنە 300 گە جۋىق قوڭىراۋ تۇسەدى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

«ەلوردادا جەدەل جاردەم قىزمەتىنە جۇكتەمە تاعى دا ارتتى. قالاداعى كۇردەلى ەپيدەميولوگيالىق جاعدايعا بايلانىستى جەدەل مەديتسينالىق جاردەم ستانتسياسىنا كۇنىنە 3-3,5 مىڭعا دەيىن ءوتىنىش كەلىپ تۇسەدى»، - دەلىنگەن قوعامدىق دەنساۋلىق ساقتاۋ باسقارماسىنىڭ حابارلاماسىندا.

قالالىق جەدەل مەديتسينالىق جاردەم قىزمەتى ديسپەتچەرلىك ءبولىمىنىڭ مەڭگەرۋشىسى بوتا سادەتحاننىڭ ايتۋىنشا، ك ۆ ي، ج ر ۆ ي جانە پنيەۆمونيا بويىنشا حابارلاساتىندار سانى ارتتى.

«وتكەن جىلعى وسى كەزەڭمەن سالىستىرعاندا قازىر جەدەل جاردەمگە حابارلاساتىندار سانى % 40 عا دەيىن ءوستى. سوڭعى اپتانىڭ وزىندە ك ۆ ي- عا بايلانىستى قوڭىراۋلار سانى 1,5 ەسەگە، ياعني تاۋلىگىنە 179 دان 300 گە دەيىن ءوستى»، - دەيدى بوتا سادەتحان.

ەستەرىڭىزگە سالا كەتەيىك، وتكەن جىلى جازعى كەزەڭدە جەدەل جاردەم بريگادالارى 18 مىڭنان استام شاقىرۋعا قىزمەت كورسەتكەن، ولاردىڭ باسىم بولىگى كوروناۆيرۋستىق ينفەكسيا بويىنشا جۇگىنگەن. ديسپەتچەرلەر كۆي ماسەلەلەرىنە قاتىستى 9,5 مىڭ ءوتىنىش بويىنشا كەڭەس بەردى. قازىرگى ۋاقىتتا ەلوردادا كوروناۆيرۋس ىندەتىنىڭ وسكەنى بايقالادى.

وتكەن تاۋلىكتە 219 ادام جۇقپالى اۋرۋلار اۋرۋحاناسىنا جاتقىزىلدى. كۆي ەمدەۋ ءۇشىن 14 ستاتسيونار جۇمىلدىرىلدى. قالا بويىنشا بارلىعى 1600 دەن استام پاتسيەنت ستاتسيونارلىق ەمدەلۋدە، ونىڭ ىشىندە 1400 دەن استامى ك ۆ ي- مەن، قالعانى - پنيەۆمونيا.

توسەك جۇكتەمەسى %75 دى قۇرايدى. رەانيماتسيا بولىمشەسىندە 104 پاتسيەنت بار، ونىڭ ىشىندە اۋىر دارەجەدە - 48 ادام، اسا اۋىر دارەجەدە - 56 ناۋقاس.