ءۇندىستاننىڭ بۇرىنعى پرەمەر-ءمينيسترى مانموحان سينگح قايتىس بولدى

استانا. KAZINFORM - دەنساۋلىعى ناشارلاعان ەكس-پرەمەر دەليدەگى اۋرۋحاناعا جاتقىزىلىپ، 92 جاسىندا قايتىس بولدى، دەپ حابارلايدى BBC.

مانموحان سينگح ءۇندىستاننىڭ ەڭ جىلدام دامىپ كەلە جاتقان دەرجاۆالاردىڭ بىرىنە اينالۋىنا مۇمكىندىك بەرگەن ليبەرالدى ەكونوميكالىق رەفورمالاردىڭ ساۋلەتشىسى بولىپ سانالادى.

ءۇندىستان 1990 -جىلداردىڭ باسىندا بانكروتتىق الدىندا تۇردى. مانموحان سينگح سالىقتى تومەندەتىپ، رۋپيانى قۇنسىزداندىردى، مەملەكەتتىك كومپانيالاردى جەكەشەلەندىرىپ، شەتەلدىك ينۆەستورلاردى شاقىرا باستادى.

قابىلدانعان شارالار ەكونوميكانى جانداندىردى، ونەركاسىپ ءوندىرىسىنىڭ وسۋىنە تۇرتكى بولدى جانە ينفلياتسيانى تەجەدى. ءۇندىستانداعى ەكونوميكالىق ءوسىم 1990 -جىلداردان بەرى تۇراقتى جوعارى بولىپ قالىپ وتىر.

سينگح پرەمەر-مينيستر قىزمەتىن 2004-2014 -جىلدارى اتقاردى، وعان دەيىن 1991 -جىلدان بەرى قارجى ءمينيسترى بولىپ جۇمىس ىستەگەن.

اۆتور

زارينا تۋعانبايەۆا