ءۇندىستان مەن پاكىستان شەكاراسىندا تاعى دا اتىس بولدى

استانا. KAZINFORM - اتىس ءۇندىستان مەن پاكىستان اراسىنداعى باقىلاۋ سىزىعىندا، دجاممۋ مەن كاشمير ايماعىندا بولدى. بۇل تۋرالى PTI اگەنتتىگى حابارلادى، دەپ جازادى Report.

- ءساۋىردىڭ 28 ىنەن 29 ىنا قاراعان تۇندە پاكىستان اسكەرى ءۇندىستاننىڭ كۋپۆارا مەن بارامۋلا اۋداندارى شەكاراسىنا قاراما-قارسى اۋماقتا باقىلاۋ سىزىعى ارقىلى سەبەپسىز وق اتتى، - دەلىنگەن ءۇندىستان ارمياسىنىڭ مالىمدەمەسىندە.

وعان «ءۇندىستاندىق اسكەري قىزمەتكەرلەر جەدەل ءارى ءتيىمدى جاۋاپ قاتقان». جاراقات العاندار تۋرالى اقپارات جوق.

دجاممۋ مەن كاشميردەگى تەراكتتە 26 ادام قازا تاپقان وقيعادان كەيىن نيۋ- دەلي مەن يسلاماباد اراسىنداعى شيەلەنىستىڭ كۇشەيۋى اياسىندا ءۇندىستان مەن پاكىستان شەكاراسىنداعى اتىستى توقتاتۋ رەجيمى بەسىنشى ءتۇن قاتارىنان بۇزىلدى.

بۇعان دەيىن پاكىستان اسكەريلەرى سەنبىدەن جەكسەنبىگە قاراعان ءتۇنى ءۇندىستاننىڭ دجاممۋ جانە كاشمير وداقتىق اۋماعىنداعى باقىلاۋ سىزىعىندا وق جاۋدىرعانىن جازدىق.

پاكىستاننىڭ قورعانىس ءمينيسترى حاۆادجا اسيف الداعى 2-4 كۇن ىشىندە ۇندىستانمەن سوعىس باستالۋ قاۋپى بار ەكەنىن مالىمدەدى.