17:10, 06 - مامىر 2025 | GMT +5
ءۇندىستان پاكىستانعا سۋدىڭ بەرىلۋىن ۋاقىتشا توقتاتتى
استانا. قازاقپارات- ءۇندىستان چيناب وزەنىندەگى بوگەتتى جاۋىپ تاستاپ، پاكىستانعا سۋدىڭ بەرىلۋىن ۋاقىتشا توقتاتتى. الداعى ۋاقىتتا نيۋ-دەلي دجەلام وزەنىنە دە قاتىستى وسىنداي شەشىم قابىلدايتىنىن ەسكەرتتى.
قازىر ەكى ەل اراسىنداعى جاعداي ۋشىعىپ تۇر. 2 اپتا بۇرىن شەكارالاس ايماقتا لاڭكەستىك بولعان. ءۇندىستان شابۋىلعا پاكىستاندى كىنالاپ وتىر. ءبىراق ەكىنشى تاراپ بۇل ايىپپەن كەلىسپەيدى. وسىدان كەيىن نيۋ-دەلي ءبىر جاقتى تارتىپتە 65 جىل بۇرىن قول قويىلعان كەلىسىمنەن شىعىپ كەتتى. ول سۋدى ورتاق پايدالانۋدى كوزدەيدى. ءبىراق پاكىستان كورشى ەلدىڭ سۋدىڭ بەرىلۋىن توقتاتۋ ارەكەتىن سوعىسقا تەڭەيتىنىن ەسكەرتكەن ەدى.
