ءماجىلىس سالىق كودەكسىنىڭ جاڭا جوباسىن ءبىرىنشى وقىلىمدا ماقۇلدادى

استانا. KAZINFORM - ءماجىلىس سالىق كودەكسىنىڭ جاڭا جوباسىن ءبىرىنشى وقىلىمدا ماقۇلدادى.

قۇجات جوباسىن 4 ساعات بويى تالقىلاعان دەپۋتتاردىڭ باسىم كوپشىلىگى جاڭا رەداكسيانى قولداپ داۋىس بەردى. قالىس قالعاندار سانى – 9، قارسى بولعاندار - 7,1 دەپۋتات داۋىس بەرمەدى.

سونداي-اق «اق جول»، ج س د پ مەن قازاقستان حالىق پارتياسىنىڭ فراكتيا ءتوراعالارى كودەكس جوباسى وزدەرى قوسپاق بولعان ۇسىنىستاردى ەنگىزگەن جاعدايدا عانا قابىلدانۋ كەرەك دەگەن ۇستانىمدارىن ايتتى.

قۇجاتتى دەپۋتاتتارعا پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين تانىستىرعان بولاتىن.

ونىڭ سوزىنشە، ققس سالىناتىن اينالىمنىڭ تومەنگى شەگى 40 ميلليون تەڭگە بولۋى مۇمكىن.

وسى شەشىمنىڭ اياسىندا ۇكىمەت جەكە كاسىپكەرلىكتى تىركەۋ ءراسىمىن قاتاڭداتپاق.

ۆيتسە-پرەمەر ق ق س- ءتىڭ تومەنگى شەگى 40 ميلليون تەڭگە بولسا، سالىق ءتۇسىمى قانشا بولاتىنىن دا ايتتى.

ال اقىلى مەديتسينالىق قىزمەتتەرگە %10 ق ق س سالىنۋ ۇسىنىلىپ وتىر.

سونداي-اق، اۋىلشارۋاشىلىق تاۋار وندىرۋشىلەر ق ق س- تان تولىق بوساتىلمايتىن بولدى.

جاڭا رەداكسيادا 1,3 تريلليون تەڭگەدەن اساتىن 128 سالىق جەڭىلدىگىن الىپ تاستاۋ ۇسىنىلعان.

سونىمەن بىرگە، سەرىك جۇمانعارين كورپوراتيۆتىك تابىس سالىعىنىڭ مولشەرلەمەسى وسەتىن سالالاردى اتادى.

سونداي-اق، ول ءسان-سالتانات سالىعى كىمدەرگە سالىناتىنىن ايتتى. ناقتىراق ايتساق، قۇنى 450 ميلليون تەڭگەدەن اساتىن جىلجىمايتىن مۇلىك يەلەرى ۇلعايتىلعان سالىق تولەيدى.

ال جىلدىق تابىسى 33,4 ميلليون تەڭگەدەن اساتىن ازاماتتار تابىسىنىڭ 15 پايىزىن سالىققا تولەۋى مۇمكىن.

ۇسىنىلىپ وتىرعان رەفورما بويىنشا، سالىق ەسەبىن تاپسىراتىندار سانى 30 پايىزعا قىسقارماق.

سەرىك ءجۇمانعاريننىڭ پايىمداۋىنشا، ءۇي جانىنداعى دۇكەندەر مەن شاشتارازدار يەلەرىنە بۇل رەفورمادان قورقۋدىڭ قاجەتى جوق. سونداي-اق، ۆيتسە-پرەمەر جاڭا سالىق كودەكسىنىڭ قاعيداتى بويىنشا بايلار كوبىرەك سالىق تولەۋگە ءتيىس ەكەنىن ايتتى.

كودەكستىڭ جاڭا رەداكسياسىنا ب ا ق- تى ق ق س- دان بوساتۋ تۋرالى ۇسىنىستار ەنبەگەنى بەلگىلى بولدى.