ءماجىلىس پەن رەسەي دۋماسى اراسىنداعى پالاتاارالىق پارلامەنتتىك كوميسسيانىڭ وتىرىسى ءوتتى

استانا. KAZINFORM - ءماجىلىس ءتوراعاسى ەرلان قوشانوۆتىڭ قاتىسۋىمەن قازاقستان رەسپۋبليكاسى پارلامەنتى ءماجىلىسى مەن رەسەي فەدەراتسياسى فەدەرالدىق جينالىسى مەملەكەتتىك دۋماسى اراسىنداعى ىنتىماقتاستىق جونىندەگى پالاتاارالىق پارلامەنتتىك كوميسسيانىڭ وتىرىسى ءوتتى.

ерлан қошанов
Фото: Жаслан Жұмабеков

وتىرىس الدىندا ءماجىلىس ءتوراعاسى مەملەكەتتىك دۋما ءتوراعاسىنىڭ ءبىرىنشى ورىنباسارى، رەسەي تاراپىنان كوميسسيانىڭ تەڭ ءتوراعاسى الەكساندر جۋكوۆتى قابىلدادى.

استانادا وتكەن وتىرىستى اشىپ بەرگەن پالاتا سپيكەرى رەسەي قازاقستاننىڭ سەنىمدى وداقتاسى جانە ستراتەگيالىق سەرىكتەسى ەكەنىن اتاپ ءوتتى.

- جىل وتكەن سايىن ءبىزدىڭ قارىم- قاتىناسىمىز تەك نىعايا تۇسۋدە. بۇعان كوشباسشىلارىمىز قاسىم-جومارت كەمەل ۇلى توقايەۆ پەن ۆلاديمير ۆلاديميروۆيچ ءپۋتيننىڭ ارقاسىندا قول جەتكىزدىك. مەملەكەتتەر باسشىلارى ارىپتەستىكتى دامۋدىڭ جاڭا دەڭگەيىنە كوتەردى. قازاقستاندا حالىقتارىمىزدىڭ سانعاسىرلىق دوستىعى ەرەكشە باعالانادى، - دەدى ەرلان قوشانوۆ.

ءماجىلىس سپيكەرى ەكى ەلدى الەمدەگى ەڭ ۇزىنشەكارا بايلانىستىراتىنىن ايتىپ، بىلتىر ءوزارا ساۋدا كولەمى ايتارلىقتاي وسكەنىنە، تاۋار اينالىمىنىڭ شامامەن 70 پايىزى ءوڭىرارالىق جانە شەكارا ماڭى ساۋداسىنا تيەسىلى ەكەنىنە نازار اۋداردى.

дума
Фото: Жаслан Жұмабеков

- ەكىجاقتى قاتىناستى دامىتۋدا پارلامەنتارالىق ىنتىماقتاستىق ماڭىزدى ءرول اتقارادى. ءبىز ءتۇرلى الاڭداردا ءجيى كەزدەسەمىز، پىكىر الماسامىز. ءبىزدىڭ ءار باسقوسۋىمىز جاڭا يدەيالار مەن باستامالارعا تولى. كوپتەگەن وزەكتى ماسەلە بويىنشا ءاردايىم ورتاق شەشىمگە كەلەتىنىمىز قۋانتادى. بۇگىن ۇزاق ۋاقىتتان كەيىن كوميسسيامىزدىڭ جۇمىسىن قايتا جانداندىرعانىمىز دا - بىرلەسىپ جۇمىس ىستەۋگە ىنتالىلىعىمىزدىڭ ايعاعى، - دەدى ەرلان قوشانوۆ.

مەملەكەتتىك دۋما ءتوراعاسىنىڭ ءبىرىنشى ورىنباسارى الەكساندر جۋكوۆ ءوز سوزىندە ەكى ەل پرەزيدەنتتەرىنىڭ ۋاعدالاستىقتارىنىڭ ىسكە اسىرىلۋىن زاڭنامالىق تۇرعىدان قامتاماسىز ەتۋ، قازاقستان مەن رەسەي ازاماتتارىن تولعاندىراتىن ماسەلەلەردى شەشۋ دە وتە ماڭىزدى ەكەنىن اتاپ ءوتتى.

дума
Фото: Жаслан Жұмабеков

سونداي- اق كۇن تارتىبىنە قورشاعان ورتانى، ترانسشەكارالىق وزەندەردى ءتيىمدى پايدالانۋ سالاسىنداعى ىنتىماقتاستىق، ەكىجاقتى تاۋار اينالىمى كولەمىن ۇلعايتۋ مەن ءوزارا ساۋداداعى كەدەرگىلەردى جويۋ جانە باسقا دا ماسەلەلەر كىردى.

كوميسسيا جۇمىسىنا قازاقستان تاراپىنان ۆيتسە- مينيسترلەر مەن جاۋاپتى مەملەكەتتىك قۇرىلىمدار باسشىلارى قاتىستى.

تالقىلاۋ قورىتىندىسى بويىنشا قاتىسۋشىلار كۇن تارتىبىندەگى ءار تارماق بويىنشا مەملەكەتتىك ورگاندارعا ۇسىنىمدارازىرلەپ، شەشىمدەر شىعاردى.

سوڭعى جاڭالىقتار