ءماجىلىس دەپۋتاتى جاساندى ينتەللەكتىگە ۇلكەن سەنىم ارتۋعا شاقىردى

استانا. KAZINFORM - ءماجىلىس دەپۋتاتى باقىتجان بازاربەك مەملەكەتتىك ورگانداردا جاساندى ينتەللەكتىنى ەنگىزۋ جانە رەتتەۋ ماسەلەسىنە قاتىستى پىكىر ءبىلدىردى.

ونىڭ ايتۋىنشا، جاساندى ينتەللەكتىگە سەنىم ارتۋى ءتيىس.

- بارلىق جەردە قاۋىپتى. ءبىز ءتىپتى ادامدارعا سەندىك، ال ولار بيۋدجەت قاراجاتىن جىمقىردى. ەندى جاساندى ينتەللەكتىدەن قورقۋىمىز كەرەك پە؟ ءبىز ادامدارعا از سەنىپ، جاساندى ينتەللەكتىگە سەنىمىمىزدى ارتتىرا ءتۇسۋىمىز قاجەت، - دەدى باقىتجان بازاربەك.

دەپۋتات سيفرلاندىرۋدا جۇيەلى ادىستەردىڭ قاجەت ەكەندىگىنە سەنىمدى. سونىمەن قاتار ونىڭ اتاپ وتۋىنشە، سيفرلاندىرۋ الگوريتمى مەن تەحنولوگياسى مەملەكەتتىك رەسۋرستاردى باسقارۋ بارىسىندا ادامي فاكتورلاردى قىسقارتا الادى.

ايتا كەتەيىك، بۇگىن پارلامەنت پالاتالارىنىڭ بىرلەسكەن وتىرىسى ءوتىپ، وندا سەگىزىنشى سايلانعان پارلامەنتتىڭ ءۇشىنشى سەسسياسى رەسمي تۇردە جابىلدى.