ChatGPT ءىرى جاڭالىق باسىلىمدارىنىڭ كونتەنتىنە قول جەتكىزە الادى
استانا. KAZINFORM - OpenAI كومپانياسى News Corp مەديا كونگلومەراتىنا تيەسىلى كەيبىر ءىرى جاڭالىقتار باسىلىمدارىنىڭ كونتەنتىنە قول جەتكىزۋگە مۇمكىندىك بەرەتىن كەلىسىم جاسادى، دەپ جازادى Reuters.
كەلىسىم OpenAI- گە Wall Street Journal, MarketWatch, The Times جانە تاعى باسقا باسىلىمداردىڭ اعىمداعى جانە مۇراعاتتالعان مازمۇنىنا قول جەتكىزۋگە مۇمكىندىك بەرەدى.
بۇل كەلىسىم Financial Times Open AI- مەن جاساندى ينتەللەكت مودەلدەرىن ازىرلەۋ كونتەنتىن ليتسەنزيالاۋ تۋرالى كەلىسىمگە قول قويعاننان بىرنەشە اپتا وتكەن سوڭ جاسالدى. سونداي- اق، وتكەن اپتادا Reddit پلاتفورماسىمەن كونتەنتكە قول جەتكىزۋ تۋرالى كەلىسىم جاسالدى.
مۇنداي سەرىكتەستىك جي ۇلگىلەرىن وقىتۋ ءۇشىن ماڭىزدى جانە ءداستۇرلى تۇردە كونتەنتتى تاراتۋدان تابىس تاباتىن ينتەرنەت الپاۋىتتارىنان پايدانىڭ ۇلەسىن الماعان جاڭالىقتار اگەنتتىكتەرى ءۇشىن پايدالى بولۋى مۇمكىن ەكەندىگى اتالىپ ءوتتى.
