ءشول دالادا 170 شاقىرىمعا سوزىلعان ءزاۋلىم عيمارات سالىنىپ جاتىر
استانا. KAZINFORM - ءشول دالادا سالىنىپ جاتقان عيمارات الەمنىڭ نازارىن وزىنە اۋدارىپ العان. شىنىدان جاسالاتىن ءزاۋلىم قۇرىلىستىڭ تاڭعالارلىق تۇستارى كوپ.
Newatlas.com سايتىندا ساۋد ارابياسىنىڭ شولىندە سالىنىپ جاتقان عيمارات تۋرالى كەزەكتى ماتەريال جاريالاندى. الەمنىڭ 7 عاجايىبىنان كەم تۇسپەيتىن بىرەگەي جوبانىڭ ەرەكشەلىگىن Aikyn.kz مەردىگەر كومپانيانىڭ مالىمەتتەرىنە سۇيەنىپ تۇسىندىرەدى.
قىزىل تەڭىزدىڭ جاعالاۋىنان باستالاتىن Line (ءتۇزۋ) قالاسى 170 شاقىرىم بويى ءشول دالاعا سوزىلىپ جاتىر. بۇل جەلى ساۋد ارابياسىنىڭ شولىندە ايناداي جارقىراعان ءتورتبۇرىشتى عيمارات تۇرىندە بولادى.
گيزا پيراميدالارى، ۇلى قىتاي قورعانى سياقتى بولاشاقتا بۇل قالا دا ادام قولىمەن سالىنعان تاڭعاجايىپتار قاتارىنا ەنۋى مۇمكىن.
بۇل - قازىرگى ساۋد ارابياسى بيلىگىنىڭ جاڭارۋ، الەمگە اشىق قوعام قالىپتاستىرۋدى ماقسات ەتكەن اۋقىمى مەن امبيتسياسىن كورسەتەتىن جوبا. باستاپقىدا كوپشىلىك ونىڭ شىن مانىندە جۇزەگە اساتىنىنا كۇمانمەن قاراعانىمەن، جۇمىس زور قارقىنمەن العا جىلجۋدا.
Line - شامامەن 9 ميلليون تۇرعىنى بار قالا بولادى. بۇل شامامەن نيۋ-يورك قالاسىنىڭ تۇرعىندارى تۇتاس سىيىپ كەتەتىن ۇلكەن مەگاپوليس. ونىڭ ۇزىندىعى 170 شاقىرىم، بيىكتىگى 500 م جانە ەنى نەبارى 200 م بولادى.
جوبانى ىسكە اسىرۋدا ادام قۇقىقتارىنىڭ بۇزىلۋى مەن قورشاعان ورتانى قورعاۋ ماسەلەلەرىن ايتپاعاندا، ۇلكەن تەحنولوگيالىق قيىندىقتار مەن كەدەرگىلەر دە بار. ءبىراق ساۋد ارابياسىنىڭ تاق مۇراگەرى مۇحاممەد بەن سالمان بۇل جوبانىڭ سالىنعانىن كورگىسى كەلەتىن ەڭ ءبىرىنشى تىلەكشى.
قازىر قۇرىلىس جۇمىستارى قىزۋ ءجۇرىپ جاتىر. Neom ۇسىنعان جاڭا بەينەدە ەكسكاۆاتورلار مەن جۇك كولىكتەرى عيماراتقا قاجەتتى ىرگەتاس دايىنداۋمەن اينالىسىپ جاتقان ءشولدى ارالاپ جۇرگەنى، الىسقا سوزىلعان الەمدەگى ەڭ ۇلكەن قۇرىلىس جوباسى كورسەتىلگەن. اۋقىمدى جوبادا اپتا سايىن ميلليونداعان تەكشە مەتر توپىراق پەن سۋدى جىلجىتۋ بويىنشا جۇمىس تاۋلىك بويى جالعاسۋدا.
بۇل جوبا ساۋد ارابياسىنىڭ الداعى Neom giga-جوباسىنىڭ ەڭ كورنەكتى بولىگى بولىپ سانالادى. كورولدىك مۇنايعا نەگىزدەلگەن ەكونوميكادان تۋريستىك باعىتتاعى ەكونوميكاعا وتۋگە تىرىساتىن كەرەمەت كوپتەگەن باسقا جوبالاردى ىسكە اسىرۋدا. ونىڭ ىشىندە 20 ەمپاير ستەيت بيلدينگتى ورنالاستىرۋعا بولاتىن ۇلكەن تەكشە ءتارىزدى ءزاۋلىم عيمارات، ەكى ءزاۋلىم عيمارات جانە جارتاستا ءىلۋلى تۇرعان ارەنا دا بار.
The Line جوباسىنىڭ ءبىرىنشى كەزەڭى 2030 -جىلى اياقتالادى دەپ كۇتىلۋدە، ءبىراق بۇل كەزەڭنەن كەيىن ءالى دە كوپ جۇمىس ىستەۋ كەرەك ەكەندىگى كۇمانسىز.
