«ءۇشقوڭىر» رەزيدەنسياسى ماڭىنداعى 50 مىڭ گەكتار جەر تەلىمى اۋكتسيونعا شىعارىلدى

استانا. KAZINFORM - «قايتارىلعان اكتيۆتەردى باسقارۋ كومپانياسى» جاۋاپكەرشىلىگى شەكتەۋلى سەرىكتەستىگى الماتى وبلىسىنىڭ اۋماعىنداعى جالپى قۇنى 1 ميلليارد 575 ميلليون 778 مىڭ 934 تەڭگە بولاتىن بىرنەشە جەر تەلىمىن اۋكسيونعا شىعاردى.

«Үшқоңыр» резиденциясы маңындағы 50 мың гектар жер телімі аукционға шығарылды
Фото: e-qazyna.kz

ونىڭ ىشىندە ايگىلى شامالعان اۋىلىنا جاقىن جاتقان 50 مىڭ گەكتار تەلىم دە بار.

بۇل تەلىمنىڭ اۋكسيونداعى باستاپقى باعاسى 43,8 ميلليون تەڭگە دەپ كورسەتىلگەن.

«Үшқоңыр» резиденциясы маңындағы 50 мың гектар жер телімі аукционға шығарылды
Фото: e-qazyna.kz

- باعالاۋعا بەرىلگەن نىساننىڭ ورنالاسقان ورنى جاقسى (الەۋمەتتىك ينفراقۇرىلىمى بار، كولىك جەتەتىن جەردە، ەكولوگيالىق جاعدايى ورنىقتى) دەپ سيپاتتالادى. جەر تەلىمى ىلە الاتاۋى ۇلتتىق پاركىنىڭ كۇزەتىلەتىن اۋماعىندا «ءۇشقوڭىر» رەزيدەنسياسىنا باراتىن جولدا، كۇزەت بەكەتىنىڭ ارت جاعىندا، شامالعان اۋىلىنان 16 شاقىرىم جەردە جاتىر، - دەپ جازىلعان نىساندى باعالاۋ تۋرالى ەسەپتە.

قۇجاتتا نىسانعا كولىكپەن كىرۋ وتە ىڭعايلى ەكەنى ايتىلعان.

«Үшқоңыр» резиденциясы маңындағы 50 мың гектар жер телімі аукционға шығарылды
Фото: e-auction.e-qazyna.kz

بۇعان دەيىن 2025 -جىلدىڭ باسىنان بەرى اۋكسيوندار ارقىلى 32 قايتارىلعان اكتيۆ ساتىلعانىن جازعان ەدىك.

اۆتور

ەسىمجان ناقتىباي

سوڭعى جاڭالىقتار