ءشامىلدىڭ «تۇيە قۇساپ شايقا» دەگەن ءسوزى بولماعاندا وليمپيادا چەمپيونى بولماس ەدىم - جاقسىلىق ۇشكەمپىروۆ
استانا. قازاقپارات- قازاقتىڭ ايگىلى بالۋانى جاقسىلىق ۇشكەمپىروۆ اعامىز ءبىر سۇحباتىندا، «كلاسسيكالىق كۇرەستەن وليمپيادا جەڭىمپازى ءشامىل سەرىكوۆتىڭ ايعايلاپ «دەم بەرگەن» ءسوزى بولماعاندا وليمپيادا چەمپيونى بولماس ەدىم»، دەگەن ەكەن.
«وليمپياداداعى ءاربىر كۇرەس وڭايعا سوقپايدى. كەزەكتى قارسىلاستىڭ ءبىرىن باسىندا جەڭىپ كەلە جاتقانىممەن، ارتىنشا ادىستەرىم وتپەي، ول باسىم بولا باستادى. ىشتەي ءىستىڭ قيىنعا اينالىپ بارا جاتقانىن سەزىپ تۇرمىن. اينالا شۋ، ايعايلاعان ادام. بۇندايدا ترەنەرىڭدى دە ەستۋ قيىن.
ءبىر كەزدە ءشامىلدىڭ داۋسىن ەستىدىم. «تۇيە قۇساپ شايقا، تۇيە قۇساپ شايقا» دەگەن قازاقشا ءسوز بەن ءشامىلدىڭ داۋسىن جازباي تانىدىم. جانە ونىڭ نە ايتىپ جاتقانىن دا ءتۇسىندىم. سونشا ايعايدىڭ اراسىنان قازاقتىڭ ءسوزى، قازاقتىڭ داۋسى قۇلاعىما انىق جەتتى. قارسىلاسىمدى ەكى قولىنان الىپ شايقادىم. كەرى شەگىنگەنىندە ەكى- ءۇش ءادىستى قاتار جاساپ، ۇپايىمدى ارتتىرىپ الدىم. ارى قاراي كۇرەسىم ءجۇرىپ كەپ بەردى.
ءشامىل - حاس تالانت عوي. كۇرەستى سىرتىنان باقىلاپ تۇرىپ، ەڭ كەرەك ساتتە، ەڭ كەرەك كەڭەستى بەردى. ەگەر سول ءسوزى بولماعاندا، مەنىڭ وليمپيادا چەمپيونى بولماي قالۋىم دا ابدەن مۇمكىن ەدى».
ءشامىل سەرىكوۆ- كلاسسيكالىق كۇرەستەن (قازىرگى گرەك-ريم كۇرەسى - رەد) وليمپيادا ويىندارىنىڭ جەڭىمپازى (1980)، الەمنىڭ ەكى دۇركىن چەمپيونى (1978، 1979)، ەۋروپا چەمپيونى (1979) جانە ك س ر و-نىڭ بىرنەشە دۇركىن چەمپيونى.
