ءۇش وبلىستا اۋا تەمپەراتۋراسى 40 گرادۋستان جوعارى بولادى - قازگيدرومەت
استانا. KAZINFORM - «قازگيدرومەت» ر م ك-سى شىلدەنىڭ 21 ى كۇنگى كۇن رايى بولجامىن جاريالادى.
كاسىپورىننىڭ دەرەكتەرىنە قاراعاندا، رەسپۋبليكامىزدىڭ باسىم بولىگىندە انتيسيكلون جوتاسى ىقپالىنان كۇن جاۋىن-شاشىنسىز بولادى، تەك ەلىمىزدىڭ شىعىسىندا، وڭتۇستىك-شىعىسىنىڭ تاۋلى اۋداندارىندا اتموسفەرالىق فرونتالدى بولىكتەردىڭ وتۋىمەن بايلانىستى كۇن قۇبىلمالى بولادى، نايزاعاي ويناپ، جاڭبىر جاۋادى. قازاقستاننىڭ شىعىسىندا بۇرشاق جاۋىپ، داۋىل تۇرادى، تۇندە قاتتى جاڭبىر جاۋادى.
رەسپۋبليكا بويىنشا جەل كۇشەيىپ، وڭتۇستىك وبلىستاردا شاڭدى داۋىل تۇرادى، ەلىمىزدىڭ سولتۇستىگىندە، سولتۇستىك- باتىسىندا تۇندە جانە تاڭعى ساعاتتاردا تۇمان تۇسەدى.
كۇندىز ماڭعىستاۋ وبلىسىندا 38-42 گرادۋس ىستىق بولادى، اتىراۋ وبلىسىندا 35-39 گرادۋس، باتىس قازاقستان وبلىسىندا 35-37 گرادۋس، جەتىسۋ وبلىسى مەن الماتى وبلىسىندا 35-38 گرادۋس، اباي وبلىسىنىڭ وڭتۇستىگىندە 35 گرادۋس، تۇركىستان وبلىسىنىڭ وڭتۇستىگىندە 42 گرادۋس ىستىق بولادى. سونداي-اق كۇندىز اتىراۋ وبلىسىنىڭ باتىسىندا 41 گرادۋس، ماڭعىستاۋ وبلىسىنىڭ وڭتۇستىگىندە 43 گرادۋس ىستىق بولادى.
شىعىس قازاقستان وبلىسى مەن اباي وبلىسىندا، باتىس قازاقستان وبلىسىنىڭ سولتۇستىگىندە، شىعىسىندا، ورتالىعىندا، اتىراۋ وبلىسىنىڭ باتىسىندا، شىعىسىندا، قوستاناي وبلىسىنىڭ وڭتۇستىك- شىعىسىندا، اقتوبە وبلىسىنىڭ سولتۇستىك- باتىسىندا، سولتۇستىك- شىعىسىندا، قاراعاندى وبلىسىنىڭ سولتۇستىگىندە، شىعىسىندا، ۇلىتاۋ وبلىسىنىڭ سولتۇستىگىندە، اقمولا وبلىسىنىڭ باتىسىندا، وڭتۇستىگىندە، ورتالىعىندا، پاۆلودار وبلىسىنىڭ وڭتۇستىگىندە، شىعىسىندا جوعارى ءورت قاۋپى ساقتالادى.
ماڭعىستاۋ، قىزىلوردا، تۇركىستان، الماتى وبلىستارىندا، جەتىسۋ وبلىسىندا، جامبىل وبلىسىنىڭ باتىسىندا، وڭتۇستىگىندە، شىعىسىندا، اتىراۋ وبلىسىنىڭ سولتۇستىگىندە، وڭتۇستىگىندە، قاراعاندى وبلىسىنىڭ باتىسىندا، وڭتۇستىگىندە، ۇلىتاۋ وبلىسىنىڭ وڭتۇستىگىندە، شىعىسىندا، ورتالىعىندا، اقتوبە وبلىسىنىڭ وڭتۇستىگىندە، قوستاناي وبلىسىنىڭ وڭتۇستىك- باتىسىندا، باتىس قازاقستان وبلىسىنىڭ باتىسىندا، اباي وبلىسىنىڭ وڭتۇستىگىندە توتەنشە ءورت قاۋپى كۇتىلەدى.
