ءۇش كۇندىك ماگنيتتى داۋىل جەرگە سوققى بەرەدى

استانا. KAZINFORM - سينوپتيك ميحايل لەۋس 22-24-ءساۋىر ارالىعىندا شامامەن ءۇش كۇنگە سوزىلاتىن ماگنيتتى داۋىلدىڭ بولاتىنىن ەسكەرتتى.

ءوزىنىڭ Telegram-ارناسىندا ول جەردىڭ ماگنيتوسفەراسىندا ءالسىز اۋىتقۋلار قايتا بايقالا باستاعانىن ايتتى. ءتۇننىڭ ەكىنشى جارتىسىندا بۇل اۋىتقۋلار G1 ساناتىنداعى ءالسىز ماگنيتتى داۋىل دەڭگەيىنە جەتكەن.

«بۇل قۇبىلىس كۇن بەتىندە پايدا بولعان ءىرى كورونالدى تەسىكتەرمەن بايلانىستى ەمەس. ونىڭ سەبەبى - جەر ماڭىنداعى ماگنيت ءورىسىنىڭ باعىتىنىڭ قىسقا مەرزىمدى وزگەرىستەرى. سوندىقتان بۇل داۋىل ۇزاق نەمەسە كۇشتى بولمايدى»، - دەپ ءتۇسىندىردى مامان.

سينوپتيكتىڭ ايتۋىنشا، جەرگە ادەتتەگىدەن جىلدام ءارى تىعىز كۇن جەلى اعىنى جەتكەن كەزدە ماگنيتتى داۋىلدار سەيسەنبى، 22-ساۋىردە، كۇننىڭ ەكىنشى جارتىسىندا باستالادى.

«گەوماگنيتتىك ءورىس قايتا ءالسىز قوزىپ، كەشكە قاراي 85 پايىز ىقتيمالدىقپەن G1- G2 دەڭگەيىندەگى السىزدەن ورتاشاعا دەيىنگى ماگنيتتى داۋىلدار باستالۋى مۇمكىن. قازىرگى تاڭدا الەمدىك بولجام ورتالىقتارى بۇل قۇبىلىستىڭ ۇزاقتىعىن ءۇش كۇن - 22-24-ءساۋىر دەپ باعالاپ وتىر»، - دەپ تولىقتىردى سينوپتيك.