ءۇش ايدا قۇرىلىستىڭ قارقىنى 17 پايىزعا جۋىق ارتقان

استانا. KAZINFORM - ۇلتتىق ستاتيستيكا بيۋروسى قۇرىلىس سالاسىنداعى ءۇش ايلىق كورسەتكىشتەردى جاريالادى.

2025 -جىلدىڭ قاڭتار- ناۋرىزىندا قۇرىلىس پەن عيمارات جوندەۋ جۇمىستارىنىڭ كولەمى 2024 -جىلدىڭ العاشقى ءۇش ايىنا قاراعاندا قارقىندى وسكەن. 2024 ءبىرىنشى توقسانىندا %11,6 بولسا، 2025 -جىلى %29,3 ءوسىم كورسەتكەن. ونىڭ ىشىندە قۇرىلىس جۇمىستارىنىڭ كولەمى %16,9 ءوسىپ، 1 تريلليون 14,8 ميلليارد تەڭگەگە جەتكەن. بۇل سومانىڭ 90 پايىزى جەكە قۇرىلىس كومپانيالارىنا تيەسىلى. شەتەلدىك قۇرىلىس كومپانيالارىنىڭ ۇلەسى %8,2 بولسا، مەملەكەتتىك كومپانيالاردىڭ ۇلەسى %1,8 بولىپ وتىر.

وڭىرلەر اراسىندا قىزىلوردا وبلىسىندا قۇرىس كولەمى %62 ارتقان. سونداي-اق، قاراعاندى، (%40,7)، جەتىسۋ (%39,1)، تۇركىستان (%31)، شىعىس قازاقستان (%26,6)، سولتۇستىك قازاقستان (%26,2)، ۇلىتاۋ (%23)، اباي (%22,8)، الماتى (%20,6) وبلىستارىندا، شىمكەنت (%25,5) جانە استانا (%25,3) قالالارىندا ايتارلىقتاي ءوسىم تىركەلگەن.

ايتا كەتەلىك مەملەكەت ارنايى دەرەكتەر بانكىنەن قۇرىلىس جوبالارىن ەركىن پايدالانا الادى.

اۆتور

ەسىمجان ناقتىباي