ءدىني ماتەريالداردى تاراتقان اقمولالىققا ايىپپۇل سالىندى
كوكشەتاۋ. KAZINFORM - اقمولا وبلىسىنىڭ تۇرعىنىنا ءدىني ماتەريالداردى زاڭسىز تاراتقانى ءۇشىن ايىپپۇل سالىندى.
ەر ادام ءوزىنىڭ اركەتىن يدەيامەن بولىسۋگە جانە ءوزى ءۇشىن جاڭا نارسە بىلۋگە دەگەن ۇمتىلىسىمەن ءتۇسىندىردى. ءدىني ماتەريالداردى تاراتۋ دەرەگى پوليسيا قىزمەتكەرلەرى جۇرگىزگەن مونيتورينگ بارىسىندا انىقتالدى.
اقمولا وبلىسى پ د باسپا ءسوز قىزمەتىنىڭ مالىمەتىنشە، ەكسترەميزمگە قارسى ءىس- قيمىل باسقارماسىنىڭ قىزمەتكەرلەرى 40 جاستاعى كوكشەتاۋلىقتىڭ «تەلەگرام» موبيلدىك قوسىمشاسى جانە «WhatsApp» مەسسەندجەرى ارقىلى ءدىني سيپاتتاعى ماتەريالداردى تاراتقانىن، سول ارقىلى قازاقستان رەسپۋبليكاسىنىڭ ءدىني قىزمەت جانە ءدىني بىرلەستىكتەر تۋرالى قولدانىستاعى زاڭناماسىن بۇزعانىن انىقتادى.
اقمولالىقتىڭ زاڭسىز ارەكەتىن كەشەندى سوت پسيحولوگيالىق- فيلولوگيالىق جانە ءدىنتانۋ ساراپتامالارى راستادى.
كوكشەتاۋ قالاسىنىڭ اكىمشىلىك ىستەر جونىندەگى مامانداندىرىلعان سوتىنىڭ قاۋلىسىمەن ەر ادام قر اكىمشىلىك قۇقىقبۇزشىلىق 490-بابى بويىنشا اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلدى جانە وعان 129220 تەڭگە سوماسىندا اكىمشىلىك ايىپپۇل تۇرىندە جازا قولدانىلدى.
پوليسەيلەر قولدانىستاعى زاڭناماعا سايكەس ءدىني ادەبيەتتەردى، ءدىني مازمۇنداعى ماتەريالدار مەن ءدىني ماقساتتاعى زاتتاردى تەك بەلگىلەنگەن ورىنداردا تاراتۋعا جول بەرىلەتىنىن ەسكە سالادى.
ءدىني ادەبيەتتەردى ءدىني-رۋحاني وقۋ ورىندارىندا - مەدرەسەلەردە، سەمينارلاردا جانە باسقالارىندا، سونداي- اق جەرگىلىكتى مەملەكەتتىك ورگاندار بەكىتكەن ارنايى ستاتسيونارلىق ءۇي- جايلاردا عانا تاراتۋعا رۇقسات.
ەسكە سالا كەتەيىك، بۇدان بۇرىن اقمولا وبلىسىندا الاياقتىق جاسادى دەگەن كۇدىكپەن تۇرمە باستىعى ۇستالعانىن جازعان ەدىك.
