17:10, 24 - ءساۋىر 2025 | GMT +5
ءبىز تۇرىك حالقىنا ءاردايىم قولداۋ كورسەتىپ، بارىنشا كومەك بەرۋگە دايىنبىز - پرەزيدەنت
استانا. KAZINFORM - قاسىم-جومارت توقايەۆ رەجەپ تاييپ ەردوعانعا ىستانبۇل ماڭىندا بولعان جەر سىلكىنىسىنە بايلانىستى قولداۋ ءبىلدىردى.
مەملەكەت باسشىسى قاسىم-جومارت توقايەۆ تۇركيا پرەزيدەنتى رەجەپ تايپ ەردوعانعا ءمارمار تەڭىزى مەن ىستانبۇل شاھارى اۋماعىندا ورىن العان جەر سىلكىنىسىنە بايلانىستى الاڭداۋشىلىق ءبىلدىرىپ، قولداۋ ءسوزىن جولدادى.
- سان عاسىرلىق دوستىق پەن باۋىرلاستىعىمىزعا جانە ەلدەرىمىز اراسىنداعى ستراتەگيالىق ارىپتەستىككە سۇيەنە وتىرىپ، ءبىز تۇرىك حالقىنا ءاردايىم قولداۋ كورسەتىپ، بارىنشا كومەك بەرۋگە دايىن ەكەنىمىزدى راستايمىز، - دەلىنگەن قازاقستان پرەزيدەنتىنىڭ جەدەلحاتىندا.
ايتا كەتەيىك، بۇعان دەيىن تۇركيادا جەر سىلكىنىسىنەن 200 دەن استام ادام زارداپ شەككەنى حابارلاندى.
