ءبىرتۇتاس ءبىلىم بەرۋ باعدارلاماسى ازىرلەندى

 ءبىلىم بەرۋ ۇيىمدارىنداعى تاربيەلىك جۇمىس ءبىرتۇتاس ءبىلىم بەرۋ باعدارلاماسى نەگىزىندە جۇزەگە اسىرىلاتىن بولادى، دەپ حابارلايدى قازاقپارات ق ر وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ. 

Біртұтас білім беру
Фото: ҚазАқпарат

باعدارلامانىڭ ماقساتى - جالپىادامزاتتىق جانە ۇلتتىق قۇندىلىقتار نەگىزىندە سانالى ازامات تاربيەلەۋ. ۇلتتىق مۇددە، ار- وجدان، ريزاشىلىق، قايىرىمدىلىق، ىنتا-جىگەر سىندى قۇندىلىقتار ءبىلىم بەرۋ ۇيىمدارىنىڭ بارلىق تاربيەلىك جۇمىسىنىڭ مازمۇنىندا كورىنىس تابادى.

ءبىلىم بەرۋ ۇيىمدارىنداعى وقۋ-تاربيە پروتسەسىنىڭ تۇراقتى باسىمدىقتارى وقۋشىلاردىڭ ساۋلىعىن ساقتاۋ، ولارعا جەكە تۇلعا رەتىندە قۇرمەت پەن سەنىم كورسەتۋ، قۇقىقتارىن قورعاۋدى قامتاماسىز ەتۋ بولىپ تابىلادى.

اتاپ وتەيىك، ءبىلىم بەرۋ ۇيىمدارىنداعى ءبىلىم الۋشىلاردى تاربيەلەۋ وقۋ پاندەرىنىڭ مازمۇنى، سىنىپ ساعاتتارى مەن ءىس-شارالار، سىنىپتان تىس جۇمىستار مەن قوسىمشا ءبىلىم بەرۋ (ۇيىرمەلەر، سەكتسيالار، فاكۋلتاتيۆتەر) ارقىلى جۇزەگە اسىرىلاتىن بولادى.

سوڭعى جاڭالىقتار