ءبىر ميلليون ادامعا 0,021 وتا: قازاقستاندا ولىمنەن كەيىنگى اعزا دونورلىعى قالاي دامىعان

донор
فوتو: Pexels

استانا. KAZINFORM - دەنساۋلىق ساقتاۋ مينيسترلىگى Kazinform ساۋالىنا جولداعان جاۋابىندا قايتىس بولعان ادامنىڭ اعزاسىن ترانسپلانتاتسياعا پايدالانۋ ماسەلەسى قالاي دامىپ جاتقانىن سيپاتتادى.

«ازعا الماستىرۋ، ونىڭ ىشىندە قايتىس بولعاننان كەيىنگى دونورلىق ومىرلىك ماڭىزى زور اعزالارى سەمىپ بارا جاتقان ناۋقاستاردى ەمدەۋدىڭ جالعىز ءتيىمدى جولى بولىپ ەسەپتەلەدى. بۇگىندە ەلىمىزدە اعزا دونورلىعىن قۇقىق تۇرعىسىنان رەتتەۋ ماسەلەسى وزەكتى بولىپ تۇر»، - دەلىنگەن ۆەدومستۆو جاۋابىندا.

سونداي-اق قايتىس بولعان ادام اعزاسىن ترانسپلانتاتسياعا پايدالانۋدىڭ 2019 -جىلعا دەيىنگى ستاتيستيكاسى قوسا بەرىلدى.

«2019 -جىلعا دەيىن جىل سايىن ولىمنەن كەيىنگى اعزا دونورىنان جاسالعان اعزا الماستىرۋ وتالارىنىڭ سانى 86 عا دەيىن جەتىپ وتىردى. الەمدە ولىمنەن كەيىنگى اعزا دونورلىعىنىڭ كورسەتكىشى بويىنشا ا ق ش؛ يسپانيا، حورۆاتيا ەلدەرى كوش باسىندا تۇر. ت م د ەلدەرىنىڭ ىشىندە بەلارۋس ءتىزىمنىڭ الدىندا. بۇل ەلدەردە ولىمنەن كەيىنگى اعزا دونورلىعىنىڭ كورسەتكىشى ورتا ەسەپپەن 1 ميلليون ادامعا 31 دەن كەلەدى. دۇنيەجۇزىلىك دەنساۋلىق ساقتاۋ ۇيىمىنىڭ جاھاندىق ەسەبى بويىنشا، قازاقستاندا بۇل كورسەتكىش - 0,021»، - دەپ جازىلعان جاۋاپتا.

اۆتور

ەسىمجان ناقتىباي

سوڭعى جاڭالىقتار