ءبىر كۇندە ەلوردادا 200 دەن استام جاياۋ جۇرگىنشىگە ايىپپۇل سالىندى
استانا. KAZINFORM - ءبىر كۇندە ەلوردادا جول قوزعالىسى ەرەجەلەرىن بۇزعان 200 دەن استام جاياۋ جۇرگىنشى انىقتالدى.
اتاپ ايتقاندا، جاياۋ جۇرگىنشىلەرگە قاتىستى جول-كولىك وقيعالارى سانىن ازايتۋ جانە جول ەرەجەلەرىنىڭ بۇزىلۋىنىڭ الدىن الۋ ماقساتىندا ەلوردا اۋماعىندا «جاياۋ جۇرگىنشى» اكسياسى ۇيىمداستىرىلدى. ونىڭ بارىسىندا جاياۋ ادامداردىڭ جولدى بەلگىلەنبەگەن جەرلەردەن قيىپ ءوتۋى جانە باعدارشامنىڭ قىزىل تۇسىنە ءجۇرۋى سەكىلدى ەرەجە بۇزۋ دەرەكتەرى انىقتالدى.
«جولدىڭ قاۋىپتى ۋچاسكەلەرىنە، كامەلەتكە تولماعان جاياۋ جۇرگىنشىلەرگە جانە ساموكات پەن موپەد جۇرگىزۋشىلەرىنە ەرەكشە نازار اۋدارىلدى. كەيىنگى كەزدە جولداعى قاۋىپسىزدىككە ۇلكەن قاۋىپ ءتوندىرىپ تۇرعان شاعىن ەلەكتر كولىك قۇرالدارى دا نازاردان تىس قالمادى. كۇنىنە ءتارتىپ ساقشىلارى جاياۋ جۇرگىنشىلەردىڭ 200 دەن 300 گە دەيىن ەرەجە بۇزۋ دەرەگىن انىقتايدى»، - دەلىنگەن پوليتسيا دەپارتامەنتى باسپا ءسوز قىزمەتىنىڭ مالىمەتىندە.
جىل باسىنان بەرى ق ر اكىمشىلىك قۇقىق بۇزۋشىلىق تۋرالى كودەكسىنىڭ 615-بابى اياسىندا 17 مىڭعا جۋىق جاياۋ جۇرگىنشى جاۋاپقا تارتىلدى. سونىمەن قاتار، اتالعان باپقا سايكەس ۆەلوسيپەد، موپەد جانە ساموكات تىزگىندەگەندەر دە جازالاندى.
بۇعان دەيىن ق ر ىشكى ىستەر ءمينيسترىنىڭ ورىنباسارى يگور لەپەحا موپەدىن مەملەكەتتىك تىركەۋگە قويماعاندارعا ايىپپۇل سالىناتىنىن ايتتى.
اۆتور
رۋسلان عابباسوۆ
