ءبىر كۇن قالدى: الماتىدا قانشا موپەد تىركەلدى

الماتى. قازاقپارات – 5-ساۋىردەن باستاپ قازاقستاندا تىركەلمەگەن موپەدتەر ايىپتۇراعىنا قويىلادى.

الماتى پوليتسيا دەپارتامەنتىنىڭ مالىمەتىنشە، 4-ساۋىردەگى جاعداي بويىنشا قالادا 8539 موپەد تىركەلدى. ونىڭ 3100 ءى ەكستەرريتوريالىق قاعيداتىنا ساي تىركەلگەن.

پوليتسيا كامپانيانىڭ اياقتالۋىنا 1 كۇن قالعانىن ەسكە سالدى.

- 5-ساۋىردەن باستاپ تىركەلمەگەن موپەدتەر ايىپتۇراعىنا قويىلادى، ال ولاردىڭ يەلەرى قازاقستان رەسپۋبليكاسىنىڭ اكىمشىلىك زاڭناماسىنا سايكەس جاۋاپكەرشىلىككە تارتىلادى، - دەلىنگەن حابارلامادا.

بۇعان دەيىن موپەدتەرىن تىركەمەگەندەرگە قانداي جاۋاپكەرشىلىك كوزدەلگەنىن جازعان ەدىك.

ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ جول ەرەجەسىن بۇزعان موپەد جۇرگىزۋشىلەرىنە جازا قاتاڭداتىلاتىنى تۋرالى ايتقان بولاتىن.