ءبيبىسارا اساۋبايەۆا ايەلدەر اراسىندا ەكىنشى گروسسمەيستەر اتاندى
استانا. KAZINFORM - ب ا ءا-دە وتكەن Sharjah Masters 2025 سۋپەرتۋرنيرىندە 21 جاستاعى ءبيبىسارا اساۋبايەۆا ءوزىنىڭ ءۇشىنشى گروسسمەيستەرلىك نورماسىن ورىنداپ، العاش رەت 2500 رەيتينگتىك مەجەدەن استى. بۇل تۋرالى قازاقستان شاحمات فەدەراتسياسى حابارلادى.
ءبيبىسارا 64 گروسسمەيستەر قاتىسقان تۋرنيردە ۇزدىك 30 دىققا ەنىپ قانا قويماي، ايەلدەر اراسىندا ەڭ ۇزدىك ناتيجە كورسەتىپ، ايەلدەر گران- پريىنىڭ جەڭىمپازى چجۋ تسزينەر مەن وليمپيادا چەمپيونى ديۆيا دەشمۋحتى ارتتا قالدىردى.
ەندى تەك فيدە كەڭەسىنىڭ الداعى وتىرىسىندا رەسمي بەكىتۋ قالدى، سودان سوڭ ءبيبىسارا قازاقستاندىق ايەلدەر اراسىنان ەكىنشى گروسسمەيستەر (GM) اتانباق. ءبىرىنشىسى - جانسايا ابدىمالىك.
ايتا كەتەلىك اقتاۋلىق شاحماتشى قازاقستان تاريحىنداعى ەڭ جاس حالىقارالىق گروسسمەيستەر اتانعانى تۋرالى جازعان ەدىك.
