ءاربىر قازاقستاندىققا 100 مىڭ تەڭگە بەرىلەتىنى راس پا؟
الەۋمەتتىك جەلىلەردە شىققان جارنامادا ءاربىر قازاقستاندىققا 100 مىڭ تەڭگە جانە ودان ارتىق مولشەردە «مەملەكەتتەن كومەك» بەرىلەتىنى ايتىلعان.
بۇل فەيك، - دەپ حابارلايدى Stopfake.kz سايتى.
حابارلاما اۆتورلارىنىڭ ايتۋىنشا، بۇل وتەماقىلار بۇرىن تولەنگەن قاراجاتتى قايتارۋ بولىپ تابىلادى. ءاربىر قازاقستاندىق وتەماقى الا الاتىنى تۋرالى تاراعان اقپاراتقا سەنبەگەن ءجون. مۇنداي تولەمدەر تۋرالى اقپارات ق ر مەملەكەتتىك ورگاندارىنىڭ رەسمي سايتتارىندا دا، ب ا ق- تا دا جوق.
مۇنداي جارنامالاردا كوبىنەسە سايتقا اپاراتىن سىلتەمەلەر بەرىلەدى، وندا پايدالانۋشىلارعا «اقشانى قايتارۋعا» ءوتىنىش قالدىرۋ ۇسىنىلادى. ءوتىنىمدى تولتىرعان كەزدە جەكە اقپارات پەن وتەماقىنى اۋداراتىن بانك كارتاسىنىڭ دەرەكتەرىن كورسەتۋ سۇرالادى.
بۇل جەلىدە الداۋ ءۇشىن قولدانىلاتىن بۇرىننان بەلگىلى ەسكى الاياقتىق سحەما. ءار ءتۇرلى ەلدەردە، سونىڭ ىشىندە قازاقستاندا، رەسەيدە جانە بەلارۋس ەلىندە الاياقتار پايدالانۋشىلاردىڭ اقشاسىن يەمدەنۋ ماقساتىندا «مەملەكەتتەن تولەمدەر جاسالادى» دەپ بۇعان دەيىن دە ايتقان بولاتىن.
