ءاربىر ادامنىڭ داۋىسى ماڭىزدى - وپەرا ءانشىسى مايرا مۇحامەد قىزى

شىمكەنت. KAZINFORM - شىمكەنتتىكتەر رەفەرەندۋمعا بەلسەندى قاتىسىپ جاتىر. اسىرەسە، جاستار جاعى قارقىندى تۇردە ۇلەس قوسىپ وتىر.

№ 11-سايلاۋ ۋچاسكەسىندە داۋىس بەرۋشىلەر وپەرا ءانشىسى مايرا مۇحامەد قىزىنىڭ ءانىن تىڭدادى. ءوز تاڭداۋىن جاساپ داۋىس بەرگەن وپەرا ءانشىسى كوپشىلىككە ابايدىڭ «كوزىمنىڭ قاراسى» ءانىن ورىنداپ بەردى.

«قازاقستاندىقتار ەل بولاشاعى ءۇشىن ماڭىزى بار تاڭداۋ جاساپ جاتىر. ءاربىر ادامنىڭ داۋىسى ماڭىزدى، سوندىقتان ءار تۇرعىن ءوز تاڭداۋىن جاساۋى كەرەك» - دەدى ول.

ال، «اربات» دەمالىس ايماعىنا جينالعان جاستار، كوك تۋدى ماقتانىشپەن كوككە كوتەرىپ ءجۇردى. بۇل كورىنىس قالا تۇرعىندارىنا ەرەكشە كوڭىل كۇي سىيلادى.

«قالا جاستارى رەفەرەندۋمعا كەلىپ ءوز تاڭداۋىمىزدى جاساپ جاتىرمىز. تەك تاڭداۋ جاساپ قانا قويماي، اكسيالارعا قاتىسۋدامىز. ويتكەنى، قالا تۇرعىندارى، كەيىنگى بۋىن وكىلدەرىنە ءبىز ۇلگىمىز. جاستار ۇنەمى قوزعالىستا. دامۋ ۇستىندە. بۇگىنگى رەفەرەندۋم، بولاشاققا جاسالعان ەڭ دۇرىس شەشىمنىڭ ءبىرى دەپ بىلەمىن، - دەيدى شىمكەنتتىك جاس تولعاناي ءادىلحان.

جالپى، شىمكەنت قالاسىندا رەفەرەندۋمعا كەلگەن ازاماتتاردىڭ كوڭىل- كۇيىن كوتەرىپ، بەلسەندىلىگىن ارتتىرۋ ماقساتىندا ءتۇرلى مادەني جانە سپورتتىق ءىس-شارالار ۇيىمداستىرىلىپ جاتىر. اتاپ ايتقاندا، قالاداعى ءبىرقاتار رەفەرەندۋم ۋچاسكەلەرىندە تۇرعىندار اراسىندا ءارتۇرلى ۇلتتىق ويىندار مەن سپورت تۇرلەرىنەن سايىستار ءوتىپ جاتىر.

اۆتور
قايرات زاينيشەۆ