ءار كۇنگە ارنالعان 10 پايدالى كەڭەس

туризм
Фото: Рас-эль-Хайма департамент развития туризма

استانا. قازاقپارات - بۇگىن وقىرماندارىنىڭ نازارىنا كۇندەلىكتى ورىنداپ تۇرسا زيانىنان پايداسى مول 10 كەڭەس ۇسىنادى.

1. بىرىنشىدەن، تاڭەرتەڭ وتە ەرتە ويانىڭىز. ويتكەنى عالىمدار ەرتە ۇيىقتاپ، ەرتە وياناتىن ادامداردىڭ ءومىر جاسى ۇزاق بولاتىندىعىن بۇرىن دا دالەلدەپ قويعان.

سونىمەن قاتار، ەرتە تۇراتىن ادامداردىڭ ەڭبەگى دە ءونىمدى بولادى.

2. ەكىنشىدەن، تاڭەرتەڭگى استى تويىپ ءىشىپ الۋ كەرەك.

سەبەبى تاڭەرتەڭگى اسپەن ءبىز ءبىر كۇنگە قۋات جيناپ الامىز.

ەكى بۋتەربرود پەن ءبىر شىناياق كوفە سىزگە اس بولمايدى. تاڭەرتەڭگى اس بارىنشا قۇنارلى ءارى تويىمدى بولسا، تۇسكى اس پەن كەشكى استى جۇمىس كۇنىڭىزگە قاراي ىشەسىز.

3. تاڭەرتەڭ كىشىگىرىم جاتتىعۋ جاساۋدى ۇمىتپاڭىز. تاڭعى جاتتىعۋ دەنەڭىزدى شىنىقتىرىپ، ۇيقىڭىزدى اشادى.

4. تانىستارىڭىزعا دا، جاي كوشەدە كەتىپ بارا جاتقان ادامدارعا دا كۇلىمسىرەپ ءجۇرىڭىز.

ەشكىم ءسىزدى «اقىماق» دەپ قابىلدامايدى. كەرىسىنشە، ءسىزدى كۇلىمسىرەپ جۇرەتىن جانە «ومىرىنە ريزا ادام» دەپ قابىلدايتىن بولادى.

ال ەر كىسىلەرگە كۇلىمسىرەپ جۇرگەن ءتىپتى پايدالى ەكەن. سەبەبى پسيحولوگتار كۇلىمسىرەپ جۇرەتىن جىگىتتەر سىمباتتى بولماسا دا ايەلدەرگە كوڭىلسىز سىمباتتى جىگىتتەرگە قاراعاندا كوبىرەك ۇنايتىندىعىن دالەلدەگەن.

5. اقۋىزى مول تاماقتى كوبىرەك، ءتاتتى مەن حولەستەرينى بار تاماقتى ازىراق جەۋگە تىرىسىڭىز. اقۋىز ەت پەن بالىقتا عانا ەمەس، كوكونىستەر مەن جۇمىرتقادا دا كوپ. سونىمەن قاتار، تۇزدى تاعامداردى دا از قولدانۋعا تىرىسىڭىز.

6. تاماق ىشەردىڭ الدىندا اش قارىنعا ءبىر ستاقان سۋ ءىشۋ قاجەت. كوپتەگەن ديەتولوگتار سۋدى كوپ ىشەتىن ادامداردىڭ ەمدەلۋگە ءجيى كەلمەيتىندىگىن ايتادى.

وسىدان-اق سۋدى كوپ ءىشۋدىڭ پايداسى قانداي ەكەندىگىن اڭعارۋ قيىن ەمەس.

7. بارلىق جاڭالىقتاردان حاباردار بولىپ جۇرۋگە تىرىسىڭىز. ول سىزگە قاجەت بولماسا دا جاڭالىقتاردى بىلەتىن ادام ءاردايىم جاقسى اڭگىمەلەسۋشى جانە كەز-كەلگەن ورتانىڭ سۇيىكتى قوناعى بولادى.

8. كۇندەلىكتى ازداعان ۋاقىتىڭىزدى ءوزىڭىزدىڭ حوببيىڭىزگە ارناڭىز. ول 1-2 ساعات سىزگە تەلەديداردان قۇر باعدارلاما نەمەسە جارناما كورگەنىڭىزدەن الدەقايدا جاقسى اسەر ەتەدى. ەگەر حوببيىڭىز بولماسا، وزىڭىزگە ۇنايتىن ءىس تاۋىپ الىپ، كۇندەلىكتى سوعان ازداعان ۋاقىتىڭىزدى ءبولىپ تۇرۋعا تىرىسىڭىز.

9. كۇن سايىن ءوزىڭىزدى كەمەلدەندىرۋدەن تالماڭىز. ۇزاق بولماسا دا كۇندەلىكتى كىتاپ وقىڭىز. ويتكەنى ءبىز كىتاپ وقي وتىرىپ ءوزىمىزدىڭ دۇنيەتانىمىمىزدى جەتىلدىرىپ، ەستە ساقتاۋ قابىلەتىمىزدى جاقسارتامىز. سونىمەن قاتار كىتاپ اقپاراتتىڭ قايناركوزى.

10. ۇيىقتار الدىندا تازا اۋادا سەرۋەڭدەڭىز. بالالارىڭىزبەن نەمەسە يتىڭىزبەن ءبىراۋىق ءجۇرىپ قايتساڭىز ۇيىقتار الدىندا اعزاڭىزعا كوبىرەك وتتەگى جينالادى جانە دە بۇل ۇيقىڭىزدى شاقىرادى. تيىسىنشە، تاڭەرتەڭ ويانۋىڭىز دا جەڭىل بولادى.

ەگەر وسى كەڭەستەردىڭ بىرنەشەۋىن كۇندەلىكتى ورىنداپ تۇرساڭىز، ءبىر ايدىڭ كولەمىندە ءسىزدىڭ ومىرىڭىزدە وزگەرىستەر بولا باستاعانىن بايقايسىز، ارينە، تەك جاقسى جاعىنا قاراي وزگەرىستەر ورىن الاتىن بولادى.

دايىنداعان: اينۇر راكيشەۆا

سوڭعى جاڭالىقتار