ءار ادام ءوز ەلىنىڭ پاتريوتى - بيبىگۇل تولەگەنوۆا
الماتى. KAZINFORM - ق ر حالىق ءارتيسى، الماتىنىڭ قۇرمەتتى ازاماتى بيبىگۇل تولەگەنوۆا رەفەرەندۋمدا ۇيدەن داۋىس بەردى.
«بۇگىن - رەفەرەندۋم كۇنى. جاۋاپتى ءسات. ءار ادام - ءوز ەلىنىڭ پاتريوتى. بارشا قازاقستاندىق تاڭداۋىن جاساپ جاتىر. قازاقستان - ۇزدىك مەملەكەتتەر قاتارىندا. ءاردايىم سولاي بولادى دەپ ويلايمىن»، - دەدى بيبىگۇل تولەگەنوۆا.
ايتا كەتەيىك، الماتىدا جالپى حالىقتىق رەفەرەندۋمدا داۋىس بەرۋ 624 ۋچاسكەدە ءجۇرىپ جاتىر. ونىڭ 549 ى ازاماتتاردى تۇراقتى تىركەۋ ورىندارى بويىنشا بولسا، ال 75 ءى - اۋرۋحانالار، ساناتوريلەر جانە اسكەري بولىمدەر سياقتى ۋاقىتشا ورنالاسقان ورىندار.
سونداي- اق 172 ۋچاسكەدە تىركەۋدى تەكسەرۋ سەرۆيستەرى ورناتىلادى. ولار داۋىس بەرۋشىلەر ءوزىن تىزىمىنەن تاپپاعان جاعدايدا قولدانىلادى.
مەگاپوليستە 1,2 ميلليون استام ادام داۋىس بەرۋگە قۇقىلى.
ەسكە سالايىق، بۇگىن قازاقستاندىقتار اتوم ەلەكتر ستانتسياسىن سالۋ ماسەلەسى بويىنشا جالپىۇلتتىق رەفەرەندۋمدا داۋىس بەرەدى.
رەسپۋبليكالىق رەفەرەندۋم بيۋللەتەنىندە ءبىر عانا ساۋال بولادى: ءسىز قازاقستاندا اتوم ەلەكتر ستانتسياسىن سالۋعا كەلىسەسىز بە؟ داۋىس بەرۋشى جاۋاپتىڭ ەكى نۇسقاسىنىڭ ءبىرىن تاڭدايدى: «ءيا، كەلىسەمىن» نەمەسە، «جوق، كەلىسپەيمىن».
وزدەرىنىڭ كونستيتۋتسيالىق قۇقىعىن كورەيا رەسپۋبليكاسىنداعى قازاقستان ازاماتتارى العاشقىلاردىڭ ءبىرى بولىپ جۇزەگە اسىردى.
