عاني بەيسەمبايەۆ وقۋشىلاردىڭ سمارتفون ۇستاۋىنا قاتىستى پىكىر ءبىلدىردى
وقۋ-اعارتۋ ءمينيسترى عاني بەيسەمبايەۆ مەكتەپتە وقۋشىلاردىڭ ساباق ۇستىندە ۇيالى تەلەفون ۇستاۋىنا قاتىستى تۇسىنىكتەمە بەردى، دەپ حابارلايدى Kazinform.
«مەكتەپ سانالى تاربيە مەن ساپالى ءبىلىم بەرۋ كەرەك. ساباقتا مۇعالىم بەرگەن ماتەريالدى تولىق مەڭگەرىپ، ءبىلىمىن شىڭداۋى كەرەك. ساباق كەزىندە سمارتفونعا تىيىم سالۋ - اتا-انالار مەن پەداگوگتاردان كەلىپ تۇسكەن وتىنىشتەر مەن شاعىمداردىڭ ناتيجەسىندە قابىلدانعان شەشىم. بۇل ساباقتا مۇعالىمدەردىڭ رۇقساتىنسىز وقۋشىلاردىڭ سمارتفوندى پايدالانباۋىنا قاتىستى نورما»، - دەدى عاني بەيسەمبايەۆ ۇكىمەت ۇيىندە وتكەن باسپا ءسوز ءماسليحاتىندا.
ءمينيستردىڭ ايتۋىنشا، وقۋشىلار ساباقتان كەيىن ۇيالى تەلەفوندى پايدالانا الادى. ياعني اتا-اناسىنا حابارلاسۋ مۇمكىندىگىنە شەكتەۋ جوق.
«اتالعان ماسەلەگە قاتىستى زاڭدى ءماجىلىس ءبىرىنشى وقىلىمدا ماقۇلدادى. زاڭ تولىق قابىلدانعانشا ۇيىمداستىرۋ ماسەلەسى قولعا الىنادى. ەڭ باستىسى ساباقتىڭ ۇستىندە وقۋشىنىڭ نەگىزسىز الاڭداۋىنا جول بەرمەس ءۇشىن وسىنداي شەشىم قابىلدانىپ وتىر»، - دەيدى ۆەدومستۆو باسشىسى.
