ءامىر ومارحانوۆ كورەياداعى تۋرنيردىڭ چەمپيونى اتاندى
استانا. KAZINFORM - قازاقستاندىق تەننيسشىلەر ۆاندجۋ (وڭتۇستىك كورەيا) قالاسىندا جاسوسپىرىمدەر اراسىندا وتكەن ITF J300 تۋرنيرىندە تابىستى ونەر كورسەتتى.
جۇپتىق سىندا جارىستىڭ ءبىرىنشى راكەتكالارى، قازاقستاندىق ءامىر ومارحانوۆ پەن كورەيالىق حويونگ روح ۇزدىك شىقتى.
قازاقستاندىق- كورەيالىق جۇپ فينالدا كورت يەلەرى يەنسۋ دجەيونگ - جانگجۋن كيمدى ايقىن باسىمدىلىقپەن ۇتتى - 6:2، 6:2.
قىزدار اراسىندا ماليكا امىرعاليەۆا تايبەيلىك يۋ چەن ليمەن بىرگە جۇپتىق سىندا فينالعا دەيىن جەتتى. ولار سوڭعى، تارتىستى باسەكەدە كورەيالىقتار يەسۋنگ چو - سۋ دجونگقا ەسە جىبەردى - 6:1، 5:7، 8:10.
جەكەلەي سىندا 16 جاسقا دەيىنگىلەر اراسىندا ازيا رەيتينگىسىندە كوش باسىندا تۇرعان زاڭعار نۇرلان ۇلى جارتىلاي فينالدا وسى جارىستىڭ ءبىرىنشى راكەتكاسى، كورەيالىق حويونگ روحقا جول بەردى - 4:6، 1:6.
ەسكە سالا كەتەيىك، بۇدان بۇرىن زاڭعار نۇرلان ۇلىنىڭ كورەياداعى تۋرنيردىڭ جارتىلاي فينالىنا جولداما العانىن جازعان بولاتىنبىز.
