ءامىر مايمۇراتوۆ پاريج وليمپياداسىنىڭ جارتىلاي فينالىنا شىعا المادى

پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا بۇگىن قۇزعا ورمەلەۋدەن جىلدامدىققا جارىستا قازاقستاندىق ءامىر مايمۇراتوۆ جارتىلاي فينالعا وتە المادى.

ول شيرەك فينالدا الەم چەمپيونى، جازعى ازيا ويىندارىنىڭ ەكى دۇركىن جەڭىمپازى، ازيا چەمپيونى، يراندىق سپورتشى رەزا اليپۋر شەنازانديفاردتان جەڭىلىپ، وليمپيادا ويىندارىن شيرەك فينالدان اياقتادى.

ءامىردىڭ ۋاقىت كورسەتكىشى - 6.14 سەكۋند.

ايتا كەتەيىك، ازىرگە قازاقستان قۇراماسىنىڭ قورجىنىندا 1 التىن، 3 كۇمىس، 3 قولا جۇلدە بار.

ەسكە سالايىق، بۇعان دەيىن ەركىن كۇرەستەن قازاقستان كومانداسىنىڭ مۇشەسى مەيرامبەك قارتبايدىڭ پاريج وليمپياداسىنىڭ شيرەك فينالىنا شىعا الماعانىن جازعان ەدىك. سونداي-اق ازامات داۋلەتبەكوۆ تە العاشقى بەلدەسۋىندە ا ق ش بالۋانىنان جەڭىلىپ قالدى.

اۆتور

كۇنسۇلتان وتارباي