عالىمدار رەيتينگى ناشار زاۋىتتاردى جول سالۋعا جولاتپاۋدى تالاپ ەتتى

Фото: «ҚазжолҒЗИ» АҚ
Фото: «ҚазжолҒЗИ» АҚ

استانا. KAZINFORM – ق ر كولىك مينيسترلىگىنىڭ تاپسىرماسىمەن «قازجول ع ز ي» ا ق- نىڭ ماماندارى اسفالتبەتون زاۋىتتارىنا تەحنيكالىق اۋديت جۇرگىزدى. 400 اسفالتبەتون زاۋىتى (ا ب ز) نورماتيۆتىك تالاپتار بويىنشا تەكسەرىلدى.

اۋديت ناتيجەسىندە زاۋىتتاردىڭ كوپشىلىگىندە ماتەريالداردى باقىلاۋ رەتتەلمەگەنى، دايىن ءونىمنىڭ ەسەبى دۇرىس جۇرگىزىلمەگەنى، باستاپقى ماتەريالداردا زەرتحانالىق باقىلاۋدىڭ جوقتىعى جانە باسقا دا كەمشىلىكتەر انىقتالدى.

«قازىر ءار اسفالتبەتون زاۋىتى ارنايى RCMbase.kz جول-قۇرىلىس ماتەريالدارى مەن جاڭا تەحنولوگيالاردىڭ ءبىرىڭعاي سيفرلىق پورتالىنا ەنگىزىلگەن. تەكسەرىس ناتيجەسىندە ءار زاۋىتقا رەيتينگ بەرىلدى: ەڭ از - 3 جۇلدىز (بازالىق تالاپتارعا سايكەستىك)، ەڭ كوبى - 5 جۇلدىز (قازىرگى زامانعى زاۋىت، ءوزىنىڭ سىناق زەرتحاناسىنىڭ بولۋى)»، - دەدى «قازجول ع ز ي» ا ق- نىڭ جاڭا تەحنولوگيالار باسقارماسىنىڭ باسشىسى قايرات مۇحامبەتقاليەۆ.

وسىلايشا، جول قۇرىلىسىنا تاپسىرىس بەرۋشىلەر RCMbase.kz پورتالىنان ەلىمىزدەگى اسفالتبەتون زاۋىتتارىنىڭ دارەجەسىن كورە الادى. سوعان سايكەس رەيتينگىسى تومەن نەمەسە اسفالت شىعارۋ ءوندىرىسى ۇيىمداستىرىلعان، زەرتحانالىق باقىلاۋى بار، جالپى دارەجەسى ءارى ساپاسى جوعارى زاۋىتتى تاڭداي الادى. باعالاۋدىڭ بولماۋى - تاپسىرىس بەرۋشىگە، تەحنيكالىق قاداعالاۋ ينجەنەرىنە، تەكسەرۋشى ورگاندارعا زاۋىتتىڭ ساپاسىنا كۇدىكپەن قاراۋعا تۇرتكى بولادى.

اسفالتبەتون زاۋىتتارىن تەكسەرۋ تۇراقتى نەگىزدە جۇرگىزىلەدى. بۇل ءوز كەزەگىندە شىعارىلاتىن ءونىمنىڭ، سونداي-اق قازاقستاندىق جولداردىڭ ساپاسىن ارتتىرۋى ءتيىس.

بۇل ءتاسىل جول-قۇرىلىس ماتەريالدارى وندىرىلەتىن كارەرلەرگە دە قاتىستى قولدانىلدى. كارەرلەر اسفالت دايىنداۋعا جانە جولداردىڭ نەگىزگى قاباتتارىندا قولدانىلاتىن ماتەريالىنا قاراي ەكىگە بولىنەدى. ءار ماتەريالدىڭ ستاندارتتارعا سايكەستىگىنە ناقتى تالاپتار قويىلادى.

ارنايى تەكسەرىس قورىتىندىسىنا سايكەس، 2024-جىلعى 1-ماۋسىمداعى جاعداي بويىنشا RCMbase.kz بازاسىنىڭ كارتاسىنا ەلىمىزدىڭ 12 ايماعىنداعى 189 كارەر ەنگىزىلدى، وندا جول- قۇرىلىسىنا قاجەت ماتەريالدىڭ 300 دەن استام ءتۇرى وندىرىلەدى. جىل سوڭىنا دەيىن پورتالعا قازاقستاننىڭ بارلىق قولدانىستاعى كارەرلەرىن ەنگىزۋ كوزدەلگەن.

اۆتوجولداردىڭ ساپاسى - قولدانىلاتىن جول قۇرىلىس ماتەريالدارىنىڭ ساپاسىنا، قوسپالاردى دۇرىس ىرىكتەۋگە (بيتۋم، قيىرشىق تاس، مينەرالدى ۇنتاق، پوليمەرلى قوسپالار جانە ت. ب. )، سونداي-اق ءوندىرۋ تەحنولوگيالارىنىڭ ساقتالۋىنا تىكەلەي بايلانىستى.

سوڭعى جاڭالىقتار