عالىمدار پايدالى قازبالاردى ءوندىرۋدىڭ جاڭا تەحنولوگياسىن ويلاپ تاپتى
استانا. KAZINFORM - قازىرگى ۋاقىتتا دوليننىي كەنىشىنىڭ جىلىنا 350 مىڭ توننا قالدىق قالدىقتارىن وندىرىلگەن كەڭىستىككە تولتىرۋ ءۇشىن كادەگە جاراتادى، بۇل قالدىقتاردى قالدىق قويماسىنا ساقتاۋ كولەمىن ەداۋىر ازايتۋعا مۇمكىندىك بەرەدى.
بۇل تۋرالى ونەركاسىپ جانە قۇرىلىس مينيسترلىگىنىڭ باسپا ءسوز قىزمەتى حابارلادى.
ءار كەن ورنىنا جەكە كوزقاراس قاجەت. سوندىقتان عىلىمي شەشىم قابىلداۋدان بۇرىن كەندەردى، ولاردىڭ جاتىس تەرەڭدىگىن جانە باسقا دا ءبىرقاتار پارامەترلەردى مۇقيات جان-جاقتى زەرتتەۋ قاجەت. عالىمداردىڭ تولتىرمانى وندىرۋدەگى جالپى ءتاسىلى - تاۋ-كەن مەتاللۋرگيا كاسىپورىندارىنىڭ قالدىقتارىن پايدالانۋ. دۇرىس تاڭدالعان تولتىرما قۇرامى مەن تەحنولوگياسى ەكولوگيالىق تاۋەكەلدەردى ازايتادى، ءوندىرۋ پروتسەسىن جۇرگىزۋ قاۋىپسىزدىگىن جانە جالپى كەنىش جۇمىسىنىڭ تيىمدىلىگىن ارتتىرادى.
- مىسال رەتىندە «قازمىرىش» ج ش س شىعىس قازاقستان ك ب ك دوليننىي كەنىشىن اتاۋعا بولادى. 2017 -جىلدان باستاپ يگەرىلگەن قازىم كەڭىستىكتى تولىق تولتىرمالاپ، يگەرۋدىڭ ارالىق قاباتتىق-كامەرالىق جۇيەسىمەن قازا وتىرىپ، اتتاس پوليمەتالل كەن ورنىن پىسىقتايدى. قاتايتاتىن تولتىرعىش قوسپالاردىڭ ينەرتتى تولتىرعىشى رەتىندە ريددەر بايىتۋ فابريكاسىنىڭ اعىمداعى بايىتۋ قالدىقتارى قولدانىلادى. 2020 -جىلى ساعاتتىق ونىمدىلىگى قالاۋ قوسپاسى 30 كۋب. مەتر بولاتىن بەتون-قالاۋ كەشەنى سالىندى. ريددەر ب ف-نىڭ اعىمداعى قالدىقتارى زاۋىتتىڭ قۇمدى جيناۋ تورابىندا ىرىكتەلىپ الىنادى جانە گيدروتسيكلونداۋدىڭ ءبىرىنشى كەزەڭىنەن وتكىزىلىپ، سورعىلارمەن دوليننىي كەنىشىنىڭ بەتون-قالاۋ كەشەنىنە جەتكىزىلەدى. وندا ولار گيدروتسيكلوندا سۋسىزداندىرۋدىڭ ەكىنشى كەزەڭىنەن وتەتىن، سودان سوڭ قاتتى قالدىقتاردىڭ %30- نا دەيىن كولەمى قالدىق قويماسىنا جىبەرىلەدى، - دەلىنگەن مينيسترلىك حابارلاماسىندا.
كاسىپورىن عالىمداردىڭ الدىنا بەتون-قالاۋ كەشەنى ونىمدىلىگى مەن وندىرىلگەن كەڭىستىكتى تولتىرمالاۋ ءۇشىن قالدىقتاردى كادەگە جاراتۋ كولەمىن ۇلعايتۋ مىندەتىن قويدى. عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردىڭ وڭتايلى ناتيجەسى گيدروتسيكلونداردىڭ جاڭا باتارەياسىن ورناتۋ ارقىلى پراكتيكالىق ىسكە اسىرۋدى تاپتى. ماماندارى ازىرلەگەن رەگلامەنت بويىنشا بەتون-تولتىرمالاۋ كەشەنىن قايتا جاڭارتۋ ونىڭ ونىمدىلىگىن ساعاتىنا 50 كۋب. مەترگە دەيىن ارتتىرۋعا جانە قالدىق قويماسىنا جىبەرىلەتىن گيدروتسيكلونداردى توگۋدەگى قاتتى قالدىقتاردىڭ قۇرامىن %14- عا دەيىن قىسقارتۋعا مۇمكىندىك بەردى.
ايتا كەتەلىك عالىمدار وتقا جانبايتىن، رادياتسياعا توزبايتىن، ايازعا قاتپايتىن كابەلدەر ويلاپ تاپقانى تۋرالى جازعان ەدىك.
اۆتور
نازىم بولەسوۆا
