عالىمدار افريكا مەن وڭتۇستىك امەريكادا دينوزاۆرلاردىڭ ۇقساس ىزدەرىن انىقتادى

استانا. KAZINFORM - دينوزاۆرلار 120 ميلليون جىلداي ۋاقىت بۇرىن برازيليا مەن كامەرۋن اراسىندا كوشىپ جۇرگەن، دەپ حابارلايدى Trend.

وڭتۇستىك مەتوديست ۋنيۆەرسيتەتىندە (و م ۋ) جۇرگىزىلگەن زەرتتەۋدە اتاپ وتىلگەندەي، افريكا جانە وڭتۇستىك امەريكا قۇرلىقتارىنان انىقتالعان دينوزاۆردىڭ 260 تان استام ءىزى ولاردىڭ اراسى شامامەن 6000 شاقىرىمعا بولىنگەنىنە قاراماستان سايكەس كەلەدى.

زەرتتەۋ دينوزاۆرلار برازيليا مەن كامەرۋن اراسىندا شامامەن 120 ميلليون جىل بۇرىن، دالىرەك ايتقاندا، ەرتە بور كەزەڭىندە كوشىپ جۇرگەنىن كورسەتتى.

پانگەيا ىدىراعاننان كەيىن پايدا بولعان اتلانت مۇحيتىنىڭ ەكى شەتىندە، شامامەن 6000 ك م قاشىقتىقتا ورنالاسقان قۇرلىقتاردا ءبىر-بىرىنە سايكەس كەلەتىن 260 تان استام دينوزاۆر ءىزى تابىلدى.

ۇقساس ىزدەردەن باسقا، زەرتتەۋشىلەر برازيليانىڭ بوربورەما ايماعىندا جانە كامەرۋننىڭ سولتۇستىگىندەگى باسسەيندەردە، وزەندەر مەن كول قۇرىلىمدارىندا ۇقساستىقتاردىڭ دالەلدەرىن تاپتى.

زەرتتەۋ جۇرگىزگەن عالىمداردىڭ ءبىرى ديانا ۆينيارد تابىلعان قازبالاردىڭ كوپشىلىگى ءۇش ساۋساقتى تەروپود دينوزاۆرلارىنا، ال كەيبىرەۋلەرى ءتورت اياقتى زاۋروپودتار مەن ورنيتوپەرلەرگە تيەسىلى ەكەنىن ايتتى.

زەرتتەۋ سالاسىنداعى جەتەكشى ساراپشى لۋي دجەيكوبس ىزدەردىڭ جاسى، ءپىشىنى جانە گەولوگيالىق جاعدايى بويىنشا وتە ۇقساس ەكەنىن اتاپ ءوتتى.

دجەيكوبس دينوزاۆر تاسنۇسقالارى مەن ولاردىڭ ىزدەرى ميلليونداعان جىلدار بۇرىن عالامشاردا جۇرگەن تۇرلەر تۋرالى بىرەگەي اقپارات بەرەدى دەپ سەندىرەدى.

ونىڭ ايتۋىنشا، قالدىقتار دينوزاۆرلاردىڭ تىرشىلىك ەتۋ ورتاسى مەن قورەكتەنۋ ادەتتەرى سياقتى مالىمەتتەردەن سىر شەرتىپ وتىر.