عالىم: مەيىرىمدى ادامدار جۇرەك-قان تامىر اۋرۋلارىنا سيرەك شالدىعادى

استانا. KAZINFORM - مادريدتەگى اۆتونومدى ۋنيۆەرسيتەتتىڭ پروفەسسورى ءارى نەيروعىلىم سالاسىنداعى زەرتتەۋشى دجوناتان بەنيتونىڭ ايتۋىنشا، مەيىرىمدى ادامداردىڭ دەنساۋلىعىندا اشۋلانشاق ادامدارعا قاراعاندا ايتارلىقتاي ارتىقشىلىعى بار.

ازەرتادج شەتەلدىك ب ا ق- قا سىلتەمە جاساي وتىرىپ حابارلاعانداي، ساراپشىنىڭ پىكىرىنشە، مەيىرىمدى ادامدار جۇرەك-قانتامىر جانە مي قان اينالىمى اۋرۋلارىنا اگرەسسيۆتى تۇلعالارعا قاراعاندا ازىراق شالدىعادى. بۇدان بولەك، ولاردىڭ ءومىر ءسۇرۋ ۇزاقتىعى دا ەداۋىر جوعارى.

زەرتتەۋشى سونداي-اق اشۋلانشاق ادامداردىڭ، جۇرەگى جۇمساق ادامدارعا قاراعاندا باقىتتىڭ نە ەكەنىن ءجىتى تۇسىنبەيتىنىن ايتادى. ولاردا ۇنەمى كورتيزول گورمونى مەن فيبرينوگەن اقۋىزىنىڭ دەڭگەيى جوعارى بولادى. بۇل ءوز كەزەگىندە قاننىڭ ۇيىپ قالۋىن، ينسۋلت پەن ينفاركتىنىڭ پايدا بولۋ قاۋپىن ارتتىرادى. جالپى العاندا، مۇنداي ادامداردىڭ ءومىر ءسۇرۋ ساپاسى الدەقايدا تومەن، دەپ تۇيىندەدى عالىم.