ءاليحان سمايىلوۆ ءوز قىزمەتىندە نەسىمەن ەستە قالدى

 استانا. KAZINFORM – ق ر پرەمەر- ءمينيسترى ءاليحان سمايىلوۆ قازاقستاندىق مينيسترلەر كابينەتىن ەكى جىلدان استام ۋاقىت باسقاردى.

KAZINFORM اگەنتتىگى وسى ۋاقىتتا ءاليحان سمايىلوۆ تىكەلەي قاتىسقان كوپتەگەن وقيعالارعا شولۋ ۇسىنادى.

ءاليحان سمايىلوۆ 2018 -جىلى مينيسترلەر كابينەتىنە كەلىپ، قارجى ءمينيسترى بولدى. بۇل قىزمەتتە ءا. سمايىلوۆ ۇكىمەتتىڭ كەڭەيتىلگەن وتىرىسىندا سول كەزدەگى ق ر پرەزيدەنتى نۇرسۇلتان نازاربايەۆتىڭ مينيسترلەر كابينەتىن ناشار جۇمىسى ءۇشىن ابدەن سىنعا الىپ، پرەمەر- مينيسترگە جاقىن وتىرۋىمەن ەستە قالعان ەدى.

ءبىر جىلدان كەيىن ءا. سمايىلوۆ پرەمەر- ءمينيستردىڭ ورىنباسارى لاۋازىمىنا تاعايىندالىپ، وندا شامامەن 3 جىل جۇمىس ىستەدى.

2022-جىلدىڭ باسىندا قاڭتار وقيعاسى ەلىمىزدى ءدۇر سىلكىندىردى، بۇل ۇكىمەت قۇرامىنا دا تۇبەگەيلى اسەر ەتىپ، اسقار مامين باستاعان مينيسترلەر كابينەتى وتستاۆكاعا كەتتى. بۇل رەتتە ءا. سمايىلوۆ قايتا ورالىپ قانا قويماي، پرەمەر- ءمينيستردىڭ مىندەتىن اتقارۋشى بولدى، سودان كەيىن وسى لاۋازىمعا رەسمي تۇردە بەكىتىلدى.

ءا. سمايىلوۆتىڭ جاڭا قىزمەتتەگى العاشقى شەشىمدەرىنىڭ ءبىرى - وتىن باعاسىن 180 كۇنگە مەملەكەتتىك رەتتەۋدى ەنگىزۋ بولدى. قاڭتار وقيعاسىنداعى قازاقستاندىقتار نارازىلىعىنىڭ رەسمي سەبەبى سۇيىتىلعان گاز باعاسىنىڭ ءوسۋى بولعانىن ەسكەرسەك، مۇنى ۇكىمەتتىڭ ءتيىستى رەاكسياسى دەپ ساناۋعا بولادى.

2022 -جىلى پرەمەر- مينيستر ءوز لاۋازىمىنداعى ەڭ اۋىر سىناقتاردىڭ بىرىنە تاپ بولدى. قىس مەزگىلىندە ءبىر ۋاقىتتا بىرنەشە ايماقتا جىلۋمەن بايلانىستى ۇلكەن پروبلەمالار تۋىندادى. ناتيجەسىندە ەكىباستۇز بەن ريددەر تۇرعىندارى جىلۋسىز قالدى، پرەمەر- ءمينيستردىڭ ورىنباسارى رومان سكليار ايماقتارعا شۇعىل اتتاندى، ءبىراق ول جىلدار بويى جيناقتالعان ماسەلەلەردى شەشە المادى. سونىمەن قاتار، بۇل جاعداي 15-تەن استام ج ە و- نىڭ اۋىر جاعدايدا بولعانىن، ال ولاردى جوندەۋگە ميللياردتاعان قارجى قاجەت ەكەنىن انىقتادى. قازىرگى ۋاقىتتا ۇكىمەت جاعدايدى تۇزەتۋ ءۇشىن جۇمىس ىستەۋدە.

سونداي- اق، ءا. سمايىلوۆتىڭ بيلىگى كەزىندە «ارسەلور ميتتال» كومپانياسىنىڭ شاحتالارىندا بىرنەشە اپات بولدى. اتى شۋلى كومپانيا شاحتالارىندا بۇعان دەيىن دە قايعىلى وقيعالار بولعانىن ادىلدىك ءۇشىن اتاپ وتكەن ءجون. دەگەنمەن، سوڭعى ساتكە دەيىن ءا. سمايىلوۆتىڭ باسشىلىعىمەن ۇكىمەت تاراپىنان ءتيىمدى شارالار قابىلدانبادى. سالدارىنان، ءا. سمايىلوۆ باسقاراتىن مينيسترلەر كابينەتى تۇسىندا ەكى جىلدا ءتورت ءىرى اپات بولدى، ونداعان ادام اجال قۇشتى.

اتاپ ايتقاندا، 2022 -جىلدىڭ ماۋسىم ايىندا ا م ت كومپانياسىنىڭ نىساندارىندا ءبىر اپتادا بەس ادام قازا تاپتى - تەمىرتاۋدا وتقا ءتوزىمدى قۇرىلعىنى بولشەكتەۋ كەزىندە ءتورت قىزمەتكەر قازا تاپتى جانە بىرەۋى ج ە و-2 قازاندىعىندا مەرت بولدى.

سول جىلدىڭ قاراشا ايىندا قاراعاندى وبلىسىنداعى كاسىپورىننىڭ لەنين اتىنداعى كومىر شاحتاسىندا مەتان گازى كەنەتتەن تاراعان. جارىلىس كەزىندە شاحتادا 106 ادام بولدى، ونىڭ 5 ەۋى قايتىس بولدى، 9 ى زارداپ شەكتى. 2023 -جىلى 17-تامىزدا قاراعاندى وبلىسىنداعى «قازاقستان» شاحتاسىندا د6 كومىر ەڭىسىن (گوريزونت - 170 م) قازۋدا كونۆەيەرلىك تاسپا ورتەندى. وندا شاحتادا 227 ادام بولدى، 5 ادام قازا تاۋىپ، 11 ادام جاراقات الدى. پرەمەر توتەنشە جاعدايلا جانە ەكولوگيا مينيسترلىكتەرىنەن ءتيىستى شەشىم قابىلداۋ ءۇشىن «ارسەلورميتتال تەمىرتاۋ» ا ق- دا جۇرگىزىلىپ جاتقان ونەركاسىپتىك جانە ەكولوگيالىق اۋديتتەردى جەدەل اياقتاۋدى تالاپ ەتتى. ۋاقىت كورسەتكەندەي، بۇل شارالار كۇتكەن ناتيجە بەرمەدى - 2023 -جىلى قازان ايىنىڭ سوڭىندا تاعى ءبىر قايعىلى وقيعا بولدى، بۇل جولى كوستەنكو شاحتاسىندا جارىلىس بولىپ، 46 كەنشىنىڭ ءومىرى قيىلدى.

ناتيجەسىندە ا م ت- نى مەملەكەت مەنشىگىنە وتكىزۋدى جەدەلدەتۋ تۋرالى شەشىم قابىلداندى.

سمايىلوۆتىڭ تۇسىندا الاپات ورتتەر دە بولدى. ەل تاريحىنداعى ەڭ ءىرى ورتتەردىڭ ءبىرى اباي وبلىسىندا ورىن الدى، ونى ءسوندىرۋ كەزىندە «سەمەي ورمانى» ر م ۋ نوۆوشۋلبا فيليالىنىڭ 14 قىزمەتكەرى، ونىڭ ىشىندە ۋسپەن ورمانشىلىعىنىڭ باسشىسى مەيرامگۇل جيەنبايەۆا قازا تاپتى. ءورتتىڭ رەسمي سەبەبى نايزاعايدىڭ ءتۇسۋى دەپ اتالدى. ءبىراق رەسمي اقپارات كوزدەرى حابارلاعانداي، اۋا رايى دا جاعدايدى ناشارلاتتى - قاتتى ىستىق پەن جەل ءورتتىڭ جۇزدەگەن گەكتارعا تارالۋىنا ىقپال ەتكەن.

اۆتور

ايجان سەرىكجان قىزى