ءالي احمەدوۆ گولوۆكيننىڭ بۇرىنعى باپكەرىمەن بىرگە جاتتىقپايتىن بولدى

استانا. قازاقپارات – قازاقستاندىق كاسىپقوي بوكسشى ءالي احمەدوۆ (22-1، 16 ك و) جاتتىقتىرۋشىسىن الماستىردى، - دەپ حابارلايدى msports.kz سايتى.

29 جاستاعى بوكسشى قازىر لوس-اندجەلەس ماڭىنداعى Ten Goose Boxing Gym زالىندا جاتتىعىپ ءجۇر. وندا ول ريككي فۋنەس ەسىمدى مامانمەن دايىندىق جۇمىسىن باستاعان.

ءالي احمەدوۆ بۇعان دەيىن 2019-2022-جىلدار ارالىعىندا گەننادي گولوۆكيندى جاتتىقتىرعان دجوناتان بەنكسپەن جەكپە-جەكتەرگە دايىندالاتىن.

قازاقستاندىق بوكسشى سوڭعى جەكپە-جەگىن 20-قىركۇيەك كۇنى دۋبليندە (يرلانديا) وتكىزدى. تورەشىلەر شەشىمى بويىنشا فرانسۋز پەر يۋبەر ديبومبەنى (22-2-1، 12 ك و) جەڭىپ شىققان بولاتىن.