الماتىدا ارمەنيادان اكەلىنگەن كولىكتى تىركەۋ ءۇشىن Call-ورتالىعى قۇرىلدى
الماتى قالالىق پوليتسيا دەپارتامەنتىندە تىركەلۋ شارتتارى تۋرالى بارلىق قاجەتتى اقپاراتتى الۋعا ارنالعان Call-ورتالىعى جۇمىس ىستەيدى: 87470800156؛ 2985071. «شۇعىل جەلى» جۇمىس كەستەسى: 9.00-دەن 19.00-گە دەيىن. «بىرىنشىدەن، ۇكىمەت 2020 -جىلدىڭ 1-اقپانىنا دەيىن ارمەنيادان اكەلگەن اۆتوكولىكتەردى تىركەۋ تۋرالى شەشىم قابىلدادى. ەكىنشىدەن، تىركەۋ 1 -ماۋسىم مەن 1-قىركۇيەگى ارالىعىندا جۇرگىزىلەدى.
ۇشىنشىدەن، تىركەۋگە سول جاقتاعى باسقارۋ ەلەمەنتتەرى بار اۆتوكولىكتەر جاتادى. تورتىنشىدەن، ءۇش تولەممەن شەكتەۋ تۋرالى شەشىم قابىلداندى: تىركەۋ جارناسى - 695 تەڭگە، تىركەۋ كۋالىگى ءۇشىن تولەم - 3473 تەڭگە جانە مەملەكەتتىك تىركەۋ ءنومىرى ءۇشىن - 7778 تەڭگە. تولەمدەردىڭ جالپى سوماسى 11946 تەڭگەنى قۇرايدى»، - دەپ ءتۇسىندىردى الماتى قالالىق پ د باستىعىنىڭ ءبىرىنشى ورىنباسارى نۇرلان الماسبەكوۆ.
سونىمەن قاتار، سپيكەر كولىك قۇرالدارىن تىركەۋ ءۇشىن كەلەسى قۇجاتتاردى ۇسىنۋ قاجەت ەكەندىگىن ايتىپ ءوتتى: جەكە باسىن كۋالاندىراتىن قۇجات؛ مەملەكەتتىك تىركەۋ الىمىنىڭ تولەنگەنى تۋرالى قۇجاتتار؛ ارمەنيا رەسپۋبليكاسىنىڭ ۋاكىلەتتى ورگانى شىعارعان كولىك قۇرالدارىنا ارنالعان سرتس جانە متنب؛ اۆتوكولىك قۇرالدارىن تىركەۋگە ۇسىنىلعان، مەملەكەتتىك نەمەسە ورىس تىلدەرىنەن باسقا تىلدە جاسالعان قۇجاتتار مەملەكەتتىك نەمەسە ورىس تىلدەرىنە اۋدارىلعان جانە اۋدارمانىڭ دالدىگى تۋرالى نوتاريۋستىڭ نەمەسە وسىنداي ارەكەتتەردى جاساۋعا ۋاكىلەتتىك بەرىلگەن باسقا ادامنىڭ قولتاڭباسى بولۋى كەرەك.
ەسكە سالايىق، مەملەكەت باسشىسى قاسىم-جومارت توقايەۆ 2020 -جىلعى 24-قاڭتاردا ۇكىمەتتىڭ كەڭەيتىلگەن وتىرىسىندا ەلىمىزدە ۋاقتىلى تىركەلمەگەن، ە ا ە و اكەلىنەتىن اۆتوموبيلدەرگە قاتىستى پروبلەما تۋىنداعانىن اتاپ وتكەن ەدى.
بۇل ماسەلەنى شەشۋ ءۇشىن پرەزيدەنت ۇكىمەتكە قازاقستان ازاماتتارىنىڭ ە ا ە و ەلدەرىنەن 2020 -جىلدىڭ 1-اقپانىنا دەيىن اكەلگەن كولىكتەرىن تىركەتۋدى تاپسىردى.
اۆتور: الما مۇقانوۆا
