عالام عاجاپتارى: ازاماتتىق العان روبوت
قىتايلار قانشا جىلدان بەرى گوبي ءشولىن اباتتاندىرۋ جۇمىستارىن جۇرگىزىپ كەلەدى. بۇل باستاما «جاسىل قابىرعا» دەپ اتالادى.
1978 -جىلى باستالعان باعدارلاما شولەيتتەنۋدى باياۋلاتىپ، ايماقتىڭ ەكوجۇيەسىن قالپىنا كەلتىرۋدى ماقسات ەتەدى. ەسكە سالا كەتەيىك، ءشول جىل سايىن 3600 شاقىرىمعا ۇلعايادى. عالىمداردىڭ ايتۋىنشا، قۇرىلىمى وتە كۇردەلى. سول سەبەپتى دە ارنايى زەرتحانادا دايىندالعان، جاي- كۇيسىز جەردە وسە بەرەتىن تۇقىم وتىرعىزادى. وسى ۋاقىتقا دەيىن 66 ميلليارد تال دا ەككەن.
قىرعىز تۋعانداردىڭ قىزىعى
قىرعىز عالىمدارى ميۋنحەن پالەونتولوگيا مۇراجايىندا ارىپتەستەرىمەن بىرگە تاش- قۇمىر قالاسىنىڭ ماڭىن زەرتتەپ، تەروپودتار توبى دينوزاۆرلارىنىڭ جاڭا ءتۇرىن تاپتى.
ول «ماناس» ەپوسىنداعى الىپ قارا كۇش ميفولوگيالىق قۇسىنىڭ اتىمەن «Alpkarakush kyrgyzicus» دەپ اتالدى. بۇل تۋرالى «24KZ» باسىلىمى حابارلادى. بۇل قازىرگى قىرعىزستاندا تابىلعان العاشقى تەروپود دينوزاۆرى. ونىڭ سۇيەكتەرى ورتا يۋرا كەزەڭىندە - شامامەن 165 ميلليون جىل بۇرىن پايدا بولعان بالبانساي فورماتسياسىنىڭ شوگىندىلەرىنەن الىندى.
ازاماتتىق العان روبوت
2017 -جىلى جاپونياداعى «Sophia» اتتى گۋمانويدتىق روبوتقا ساۋد ارابياسىنىڭ ازاماتتىعىن بەرگەن. ءسويتىپ، تاريحتا تۇڭعىش رەت روبوت رەسمي ازامات رەتىندە تانىلعان ەدى.
ونى «Hanson Robotics» كومپانياسى جاساپ شىعارعان، ول ادام سياقتى بەت قيمىلدارىن جاساي الاتىن. ادامدارمەن قارىم-قاتىناستى دا جاقسى ورناتادى. بۇل وقيعا الەم نازارىن اۋداردى. ال «Sophia» ءوزىنىڭ سۇحباتتارىندا ادامدارمەن بىرگە جۇمىس ىستەپ، قوعامعا ۇلەس قوسۋعا دايىن ەكەنىن ايتقان بولاتىن. بۇل ادامزات پەن جاساندى ينتەللەكتىنىڭ ءوزارا ارەكەتتەسۋىنىڭ جاڭا كەزەڭى رەتىندە قاراستىرىلدى.
ەلىگىماي توڭكەر
egemen.kz
