عاجايىپ سايكەستىك: 1998-جانە 2025 -جىلدارداعى ۇشاق اپاتتارىنان امان قالعاندار ءبىر ورىندىقتا وتىرعان
تانىمال تاي اكتەرى دجەيمس رۋانگساك لويچۋساك 1998 -جىلى ۇشاق اپاتىنان امان قالعان ەدى. ول جاقىندا عانا ءۇندىستاندا بولعان اپاتتان جالعىز امان قالعان ادامنىڭ ءدال سول وزىنە تيەسىلى بولعان A11 ورنىندا وتىرعانىن ەستىپ، تاڭدانىسىن جاسىرمادى.
بۇل تۋرالى Stan.kz اقپارات اگەنتتىگى Pattaya People پورتالىنا سىلتەمە جاساپ حابارلايدى.
«تۇلا بويىم تىتىركەنىپ كەتتى. ول مەن وتىرعان 11A ورنىندا وتىرىپتى»، - دەپ جازدى اكتەر الەۋمەتتىك جەلىدە.
بۇل سايكەستىك جۇرتتى تاڭداندىرىپ، الەۋمەتتىك جەلىدە قىزۋ تالقى تۋعىزدى.
Air India اۋە كومپانياسىنىڭ ۇشاعى گۋدجارات شتاتىنىڭ احماداباد قالاسى ماڭىندا اپاتقا ۇشىراعان. ۇشاقتا 241 ادام بولعان. تەك بريتان ازاماتتىعى بار ءۇندى تەكتى ۆيشۆاشكۋمار رامەش ءتىرى قالعان. بۇل ورىن اپاتتىق ەسىككە جاقىن بولعان. ونى ۇشاقتان سىرتقا لاقتىرعان، كەيىن ول ءوز بەتىمەن جەدەل جاردەم كولىگىنە دەيىن جەتكەن. قازىر ەر ادام اۋرۋحانادا، ومىرىنە قاۋىپ ءتونىپ تۇرعان جوق.
دجەيمس رۋانگساك 1998 -جىلى 11- جەلتوقساندا Thai Airways ۇشاعى اپاتقا ۇشىراعاندا دا 11A ورنىندا وتىرعان. ول كەزدە Airbus A310 ۇشاعى تايلاندتىڭ سۋراتتحاني پروۆينتسياسىنداعى كاۋچۋك پلانتاتسياسىنا قۇلاعان. اپات سالدارىنان 101 ادام قازا تاۋىپ، 45 ادام جاراقات الدى.
اكتەر اپاتتان قازا تاپقانداردىڭ تۋىستارىنا كوڭىل ايتىپ، بۇل سايكەستىكتىڭ ءوزىن قاتتى تولقىتقانىن جەتكىزدى. تاريحتا ۇشاق اپاتتارىنان جالعىز ءوزى امان قالعاندار بىرنەشە رەت تىركەلگەن. مىسالى، 1985 -جىلى Galaxy Airlines ۇشاعى اپاتقا ۇشىراعاندا 17 جاستاعى دجوردج لامسون كىشى جالعىز امان قالعان ەدى. ءۇندىستانداعى سوڭعى اپات تۋرالى ەستىگەن ول دا الەۋمەتتىك جەلىدە بۇل جاڭالىقتىڭ ءوزىن قاتتى تولقىعانىن ايتتى.
تاعى ءبىر مىسالدا 2009 -جىلى 12 جاسار باحيا باكاري Yemenia Airways ۇشاعى كومور ارالدارى ماڭىندا اپاتقا ۇشىراعاندا جالعىز امان قالعان. ال 2006 -جىلى كەنتۋككي شتاتىنىڭ لەكسينگتون قالاسىندا Comair رەيسى اپاتقا ۇشىراعاندا، ەكىنشى ۇشقىش دجيم پولەحينكە عانا ءتىرى قالعان.
«ءتىرى قالعانىما ءالى سەنبەيمىن»: ءۇندىستاندا ۇشاق اپاتىنان امان قالعان جالعىز ادام جاعدايدى باياندادى
«كەپتەلىس مەنى قۇتقارىپ قالدى»: ءۇندىستاندىق ستۋدەنت اپاتقا ۇشىراعان Air India ۇشاعىنا 10 مينۋتقا كەشىگىپ، امان قالدى
ەسكە سالايىق، بۇل قايعىلى وقيعادا تاعى ءبىر وتباسىنىڭ جاعدايى بۇكىل الەمدى ءدۇر سىلكىندىردى. ەرلى-زايىپتى دارىگەرلەر پراتيك دجوشي مەن كومي ۆياسجانە ولاردىڭ ءۇش بالاسى شەتەلدە جاڭا ءومىر باستاۋ ءۇشىن لوندونعا باعىت العان ەدى. الايدا ءبىر وتباسى مىنگەن ۇشاق احمادابادتان ۇشقاننان كەيىن نەبارى 32 سەكۋندتان سوڭ اپاتقا ۇشىرادى. وتباسىنىڭ ۇشاقتا تۇسكەن سوڭعى سۋرەتى جەلىدە تاراپ كەتتى. ولار لوندونعا كوشىپ، جاڭا ءومىر باستاماق بولعان. دارىگەر پراتيك دجوشي بۇعان دەيىن التى جىل لوندوندا تۇرىپ، سول جەردە مانساپ جاساعان. جولداسى كومي ۆياس ۋدايپۋرداعى بەدەلدى اۋرۋحانادا جۇمىس ىستەپ ءجۇرىپ، لوندونعا كوشۋ ءۇشىن ەكى كۇن بۇرىن قىزمەتىنەن كەتكەن.
ايىم اتامبايەۆا
