بيزنەستەن مەملەكەتتىك قىزمەتكە: ۇمىتكەرلەرگە قانداي تالاپتار قويىلادى

استانا. KAZINFORM - مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقباي Jibek joly تەلەارناسىنداعى «ۋادە» باعدارلاماسىنىڭ ەفيرىندە مەملەكەتتىك قىزمەتكە جەكە سەكتوردان مامانداردى تارتۋ تۋرالى ايتتى.

«بىرىنشىدەن، سەرۆيستىك اپپاراتتى قۇرۋ، ول تەك اگەنتتىك ەمەس مەملەكەتتىك ورگانداردىڭ كۇشىمەن جاسالادى. بىزگە قاراستى مەملەكەتتىك باسقارۋ اكادەمياسى ىشىنەن HR ينستيتۋتىن اشتىق. ودان بولەك، مەملەكەت باسشىسى بىزگە جەكە سەكتوردان بىلىكتى مامانداردى تارتۋدى تاپسىردى. وسىعان بايلانىستى ءبىز باسقارمالار، دەپارتامەنتتەر باسشىلارىن تىكەلەي تاعايىنداۋدى قولعا الدىق»، - دەدى دارحان جازىقباي سۇحبات بارىسىندا.

اگەنتتىك باسشىسىنىڭ ايتۋىنشا، ءتۇرلى جەكە سەكتوردا جۇمىس ىستەپ جۇرگەن مامانداردى مەملەكەتتىك قىزمەتكە تارتۋ قولعا الىنعانىن ايتتى.

«ولاردى قابىلدار الدىندا باستى 3 تالاپ قويىلادى، ولار مەملەكەتتىك ورگاندارداعى ءوتىلى، قۇقىق قورعاۋ نەمەسە سوتتاعى ءوتىلى جانە جەكە فۋنكتسيانالدىق قابىلەتى»، - دەيدى اگەنتتىك باسشىسى.

ايتا كەتسەك، د. جازىقباي ۇكىمەتتىڭ قاراۋىنا مەملەكەتتىك قىزمەتشىلەر زەينەتكە شىققان كەزدە جالاقىسىنىڭ 70 پايىزىن ساقتاپ قالۋ ۇسىنىلعانىن ايتتى.