بىزدەگى جولداردىڭ كوبى ەسكى ستاندارتپەن سالىنعان - ۇكىمەت باسشىسى

استانا. KAZINFORM - پرەمەر- مينيستر ولجاس بەكتەنوۆ جول قۇرىلىستارىنىڭ ۇزاققا سوزىلۋى ادام ولىمىنە سەبەپكەر بولىپ جاتقانىن ايتتى.

«اۆتوجولداردىڭ كوپشىلىگى ەسكى ستاندارتتار بويىنشا سالىنعان. سوندىقتان كەيىنگى جىلدارى جاڭا ماگيسترالداردىڭ قۇرىلىسى قولعا الىندى. الايدا، كەيبىر جولداردىڭ قۇرىلىسى مەن جوندەلۋى تىم ۇزاققا سوزىلىپ كەتتى. ونىڭ ۇستىنە، سالىنىپ جاتقان ۋچاسكەلەردە جول بەلگىلەرى مەن اقپارات قالقاندارى، ۋاقىتشا جول تاڭبالارى جوق نەمەسە ەسكەرتۋ بەلگىلەرى دۇرىس ورناتىلماي، جۇرگىزۋشى ولاردى بايقاماي قالادى. مۇنىڭ سوڭى جول اپاتتارىنا الىپ كەلەدى»، - دەدى پرەمەر- مينيستر.

سونداي- اق، ول الماتى وبلىسىندا «ساقالدى قۇرىلىسقا» اينالعان جولدا اپات ءجيى بولاتىنىن سىنادى.

«بيىلعى ناۋرىز ايىندا 2019 -جىلدان بەرى قۇرىلىس جۇمىستارى جۇرگىزىلىپ جاتقان «قاراعاندى - الماتى» باعىتىندا جەڭىل اۆتوماشينا جۇك كولىگىمەن سوقتىعىسىپ، 4 ادام قازا تاپتى. ال مامىر ايىندا ءدال وسى جولدا كولىك اپاتىنان تاعى 5 ادام قايتىس بولدى. كىنالىلەر، ارينە، جازاسىن الدى. دەگەنمەن، اڭگىمە جۇيەلى شارالار تۋرالى بولىپ وتىر. كولىك مينيسترلىگىنە مۇددەلى مەملەكەتتىك ورگاندارمەن بىرلەسىپ، اۆتوموبيل جولدارىن سالۋ، رەكونسترۋكتسيالاۋ جانە كۇتىپ- ۇستاۋ كەزىندە جول قوزعالىسى قاۋىپسىزدىگىن قامتاماسىز ەتۋ جونىندەگى شارالار كەشەنىن قابىلداۋدى تاپسىرامىن»، - دەدى پرەمەر- مينيستر.

اۆتور

ەسىمجان ناقتىباي