بىزدە كولىك جۇرگىزۋ مادەنيەتى تومەن - ءاليحان سمايىلوۆ

 جول قاۋىپسىزدىگى ءۇشىن جاۋاپكەرشىلىكتىڭ ارتۋىنا قاراماستان جول ءجۇرۋ ەرەجەسىن بۇزاتىندار تابىلىپ جاتىر، دەپ حابارلايدى قازاقپارات ءتىلشىسى. 

жүргізуші
Фото: Фото: primeminister.kz

«بيىل ستاتيستيكالىق دەرەكتەر بويىنشا جول-كولىك وقيعالارى مەن زارداپ شەككەندەردىڭ سانى ءبىرشاما تومەندەگەن. دەگەنمەن، ءالى دە ەلىمىزدىڭ كۇرە جولدارىندا كۇنىنە ورتا ەسەپپەن 5-6 ادام قازا تابادى. ءارسيفردىڭ ارتىندا قانشاما جاننىڭ ءومىرى مەن دەنساۋلىعى تۇر. وكىنىشكە قاراي، بىزدە كولىك جۇرگىزۋ مادەنيەتى مەن ءتارتىپ دەڭگەيى تومەن. ءبىز جولداعى قۇقىق بۇزۋشىلىقتار ءۇشىن قىلمىستىق جانە اكىمشىلىك جاۋاپكەرشىلىكتى قاتاڭداتىپ كەلەمىز»، - دەدى ءاليحان سمايىلوۆ ۇكىمەت وتىرىسىندا.

ۇكىمەت باسشىسىنىڭ ايتۋىنشا، پوليتسەيلەر ماس جۇرگىزۋشىلەرمەن كۇرەسىپ، مىڭداعان ادام كولىك جۇرگىزۋ قۇقىعىنان ايرىلادى.

«ارينە، مۇنداي زاڭ بۇزۋشىلارعا بارىنشا قاتاڭ شارا قولدانۋ كەرەك. جولداعى قوزعالىس قاۋىپسىزدىگىن باقىلاۋ جۇيەسىندەگى جاعداي دا ءماز ەمەس. بەينەكامەرالار مەن باسقا دا تەحنيكالىق قۇرالداردى تولىق پايدالانۋ مۇمكىن بولماي وتىر. كەي جەرلەردە ولار جەتىسپەي جاتسا، كەي جەردە مۇلدەم جۇمىس ىستەمەيدى. ەلدى مەكەندەردەگى كامەرالار سانىن كوبەيتكەن ءجون، ال رەسپۋبليكالىق ماڭىزى بار اۆتوجولداردا اپپاراتتىق- باعدارلامالىق كەشەندەردى بەلسەندى پايدالانۋ كەرەك» ، - دەيدى ول.

سوڭعى جاڭالىقتار