بيىلعى العاشقى تولىق اي - قاسقىر ايى تۋادى
استانا. قازاقپارات - 25-قاڭتاردا بيىلعى العاشقى تولىق اي تۋادى. بۇل تولىق اي ميستيكالىق تۇرعىدان قاسقىر ايى دەپ اتالادى.
تولىق ايدىڭ قاسقىر ايى دەپ اتالۋىنىڭ سەبەبى - وسى ۋاقىتتا تۇنگى جىرتقىشتار وتە بەلسەندى بولادى. 25-قاڭتارداعى تولىق ايدىڭ باسقا دا اتاۋلارى بار: تىنىش اي، ەسكى اي، سۋىق اي، ۇيقىسىز اي، بۇعى ايى، نايزاعاي ايى، بال ايى.
قاسقىر ايى - وزگەرىستەر ۋاقىتى، ال كىبىسە جىلدىڭ كۇشى بۇل وزگەرىستەردى قايتىمسىز ەتە الادى. سوندىقتان، تولىق ايدىڭ تۇنىندە، الدىندا جانە بىرنەشە كۇن وتكەننەن كەيىن، ءوزىڭىزدىڭ ارەكەتتەرىڭىزگە جانە سوزدەرىڭىزگە وتە مۇقيات بولۋىڭىز كەرەك. بۇل باستاعان ءىسىڭىزدى اياقتاۋ نەمەسە ءسىز كەلىسە المايتىن، ءمورالدىق تۇرعىدان ەسكىرگەن نەمەسە فيزيكالىق تۇرعىدان جارامسىز نارسەمەن قوشتاسۋ ءۇشىن پايدالانىلۋى ءتيىس وتە كۇشتى ۋاقىت، دەيدى استرولوگتار.
الايدا، بۇل - جاڭا باستاما باستاۋعا جانە كوپتەن كۇتكەن ارمانداردى ورىنداۋعا دا قولايلى ۋاقىت. ءبىراق قۇمار ويىندارعا، ەكسترەمالدى دەمالىسقا اۋەس بولۋ، سونداي-اق جاقىن ادامدارمەن ۇرىسىپ قالۋ وتە قاۋىپتى. سوندىقتان بۇل كۇندەرى جانجالعا، داۋعا قالۋدان بويىڭىزدى الشاق ۇستاۋ كەرەك.
تولىق اي كەزىندە بارلىق ەموتسيالار قىزا تۇسەدى، ياعني قاتەلەسۋ قاۋپى جوعارى، دەپ ەسكەرتەدى استرولوگتار.
