بيىل تاۋارلى ءسۇت فەرماسى قۇرىلىسىنا 100 ميلليارد تەڭگە بولىنەدى – ا ش م
پەتروپاۆل. KAZINFORM - اۋىل شارۋاشىلىعى ۆيتسە-ءمينيسترى امانعالي بەردالين پەتروپاۆلدا وتكەن QYZYLJAR INVESTMENT FORUM-2024 ينۆەستيتسيالىق حالىقارالىق فورۋمىنىڭ اشىلۋىنا قاتىستى.
ا ش م باسشىسىنىڭ ورىنباسارى سولتۇستىك قازاقستان وبلىسى نەگىزىنەن ءداندى داقىلداردىڭ تورتتەن ءبىرى جانە مايلى داقىلداردىڭ ۇشتەن ءبىرى وسىرىلەتىن، ساپالى جانە باسەكەگە قابىلەتتى ءونىم وندىرىلەتىن اگرارلىق ءوڭىر ەكەنىن اتاپ ءوتتى. 2023-جىلى ءوڭىردىڭ ا و ك سالاسىنا 192 ميلليارد تەڭگە ينۆەستيتسيا تارتىلدى، بۇل رەسپۋبليكاداعى جالپى كولەمنىڭ %17 قۇرايدى.
ايماقتىڭ ماڭىزدى جوبالارىنىڭ ءبىرى - وتكەن جىلى ءساتتى باستالعان ينۆەستيتسيالىق جوبالاردى جەڭىلدىكپەن قارجىلاندىرۋ تاجىريبەسىن قايتالاۋ. وسى تەتىكتىڭ ارقاسىندا سولتۇستىك قازاقستان وبلىسىندا 2 جىل ىشىندە 21 تاۋارلى ءسۇت فەرماسى سالىنىپ، 2023-جىلى شيكى سيىر ءسۇتىن تاۋارلى ءوندىرۋ كولەمى 574,1 مىڭ توننانى قۇرادى. 2023-جىلى رەسپۋبليكا بويىنشا 65 ت س ف قۇرىلىسىنا 100 ميلليارد تەڭگە، ال 2024-جىلى ءدال وسىنداي قاراجات ءبولىندى. امانعالي بەردالين اۋىل شارۋاشىلىعى مينيسترلىگى ينۆەستورلار ءۇشىن بارلىق جاعدايدى جاساپ، ولارعا جان-جاقتى قولداۋ كورسەتۋگە دايىن ەكەنىن جەتكىزدى.
سونىمەن قاتار، ۆيتسە-مينيستر جالپى قازاقستاننىڭ قانداي ينۆەستيتسيالىق ارتىقشىلىقتارعا يە ەكەنىن ءتۇسىندىردى. اتاپ ايتقاندا، رەسپۋبليكا استىق دەرجاۆاسى رەتىندە جىل سايىن 40 تان استام ەلدىڭ نارىعىنا 8 ميلليون تونناعا جۋىق استىق جەتكىزەدى. سوڭعى جىلدارى ەل ۇن ەكسپورتى بويىنشا جىل سايىن 2,5 ميلليون تونناعا دەيىن ءونىم ەكسپورتتاي وتىرىپ، الەمدە كوشباسشى ورىندا تۇر. ەڭ ماڭىزدىسى جەردىڭ جارتىسىنان استامىن، ياعني، 220 ميلليون گەكتاردى اۋىل شارۋاشىلىعى القاپتارى قۇرايدى.
سونداي-اق، زاڭنامالىق دەڭگەيدە ينۆەستيتسيالار تارتۋ ءۇشىن جۇيەلى شارالار رەتىندە ءبىرقاتار جەڭىلدىكتەر مەن پرەفەرەنتسيالار، سونداي-اق ا و ك باسىم باعىتتارى بويىنشا شىعىنداردى %25 دان %50 عا دەيىن ينۆەستيتسيالىق سۋبسيديالاۋ كوزدەلگەن. اعىمداعى جىلى بۇل ماقساتقا 124,4 ميلليارد تەڭگە (س ق و - 18,7 ميلليارد تەڭگە) قاراستىرىلعان.
سونداي-اق ينۆەستيتسيا تارتۋدىڭ جۇيەلى شارالارى رەتىندە زاڭنامالىق دەڭگەيدە ءبىرقاتار جەڭىلدىكتەر مەن پرەفەرەنتسيالار، اگروونەركاسىپتىك كەشەننىڭ باسىم باعىتتارى بويىنشا شىعىنداردى %25 دان %50 عا دەيىن ينۆەستيتسيالىق سۋبسيديالاۋ قاراستىرىلعان. اعىمداعى جىلى بۇل ماقساتتارعا 124,4 ميلليارد تەڭگە قاراستىرىلعان (س ق و - 18,7 ميلليارد تەڭگە).
مۇنان بولەك، ينۆەستيتسيا تارتۋدىڭ ماڭىزدىلىعىن ەسكەرە وتىرىپ، ينۆەستورلار ءىرى جوبالاردى جۇزەگە اسىرۋ ءۇشىن قازاقستان ۇكىمەتىمەن تىكەلەي كەلىسىم جاساي الادى. وسىلايشا، ستراتەگيالىق ينۆەستورلار سالىقتىڭ نەگىزگى تۇرلەرى (ك ق س، ق ق س، جەر جانە مۇلىك سالىعى) بويىنشا ارنايى جەڭىلدىك شارتتارىن الا الادى.
«ءبىزدىڭ باسىم باعىتتارىمىزدىڭ ءبىرى - اۋىل شارۋاشىلىعى شيكىزاتىن، ونىڭ ىشىندە ەت پەن ءسۇتتى، كارتوپتى، قانت قىزىلشاسىن، مايلى داقىلداردى، جەمىس-جيدەكتەردى، كوكونىستەردى، بىلعارى شيكىزاتىن وڭدەۋگە شەتەلدىك ينۆەستورلاردى تارتۋ. ءبىز قىزىعۋشىلىق تانىتقان كومپانيالاردى قازاقستاندا بىرلەسكەن كاسىپورىندار قۇرۋعا شاقىرامىز»، - دەپ تۇيىندەدى ءسوزىن امانعالي بەردالين.
