بيىل قىتايدا قازاقستان تۋريزمى جىلى بولىپ جاريالاندى

استانا. KAZINFORM - بيىل ناۋرىزدا قىتاي حالىق رەسپۋبليكاسىندا قازاقستان تۋريزمى جىلىنىڭ رەسمي اشىلۋ ءراسىمى وتەدى. بۇل تۋرالى تۋريزم جانە سپورت ءمينيسترى ەرمەك مارجىقپايەۆ ءمالىم ەتتى.

«2024 - جىل قىتايداعى قازاقستان تۋريزمى جىلى بولىپ جاريالاندى. ايتۋلى شارانىڭ اشىلۋ ءراسىمى 28-29-ناۋرىزدا بەيجىڭ قالاسىندا وتەدى جوسپارلانىپ وتىر. قىتاي ەلىندە جىل بويى تۋريزم تۇرلەرى بويىنشا، اتاپ ايتقاندا، ەكولوگيالىق، مەديتسينالىق، اگروتۋريزم، قالا تۋريزمى، MICE جانە عارىشتىق تۋريزم سالاسى بويىنشا تاقىرىپتىق ءىس-شارالار ۇيىمداستىرىلادى»، - دەدى تۋريزم جانە سپورت ءمينيسترى ەرجان مارجىقپايەۆ ۆەدومستۆونىڭ كەڭەيتىلگەن القا وتىرىسىندا.

ءمينيستردىڭ مالىمدەۋىنشە، بيىل قىتايدىڭ 7 ءىرى قالاسىندا (بەيجىڭ، شيان، شاڭحاي، ءۇرىمجى، گونكونگ، حاڭجوۋ، چىڭدۋ) توپ-20 وتاندىق تۋريستىك ورىندار تانىستىرىلادى.

اۆتور

داۋلەت ىزتىلەۋ