بيىل قازان ايىنان باستاپ بىرنەشە جول اقىلى بولادى

استانا. KAZINFORM - ق ر كولىك مينيسترلىگى بيىل 11 جول ۋچاسكەسى اقىلى بولاتىنىن جانە بۇل جولداردا اقى الۋ جۇيەسى قاشاننان باستاپ ەنگىزىلەتىنىن ءمالىم ەتتى.

«قازىر قازاقستان رەسپۋبليكاسى اۋماعىندا جالپى ۇزىندىعى 3,2 مىڭ شاقىرىم بولاتىن 17 اقىلى اۆتوجول ۋچاسكەسى بار. بۇل ۋچاسكەلەر 2013-2023 -جىلدار ارالىعىندا كەزەڭ- كەزەڭىمەن پايدالانۋعا بەرىلدى. ولاردىڭ ىشىندە «استانا- شۋچينسك» (211 ك م)، «استانا- تەمىرتاۋ» (134 ك م)، «الماتى- قونايەۆ» (42 ك م)، «الماتى- قورعاس» (295 ك م)، «استانا- پاۆلودار» (375 ك م)، «قونايەۆ- تالدىقورعان» (186 ك م)، «تاراز- قاينار» (238 ك م)، «شىمكەنت- قىزىلوردا» (447 ك م)، «شىمكەنت- تاراز» (90 ك م)، «شىمكەنت- تاشكەنت» (84 ك م)، «شۋچينسك- كوكشەتاۋ» (61 ك م)، «پاۆلودار- قالباتاۋ» (453 ك م)، «بەينەۋ- اقجىگىت» (85 ك م)، «ورال- سامارا» (56 ك م)، «پاۆلودار- ومبى» (198 ك م)، «كوكشەتاۋ- پەتروپاۆل» (169 ك م) جانە «ورال- ساراتوۆ» (99 ك م) سياقتى ماڭىزدى ماگيسترالدار قامتىلدى. اتاپ ايتقاندا، بيىل جول-جوندەۋ جۇمىستارىنىڭ اياقتالۋىنا قاراي جالپى ۇزىندىعى 2,2 مىڭ شاقىرىم بولاتىن اۆتوجولدىڭ 11 قوسىمشا ۋچاسكەسىندە اقىلى جۇيەنى ەنگىزۋ جوسپارلانعان»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

وسى ۋچاسكەلەردىڭ ىشىندە مىنا جولدار قامتىلعان: « قىزىلوردا- ارال» (455 ك م)، «اقتوبە- مارتوك» (92 ك م)، «قوستاناي- ترويتسك» (163 ك م)، «اقتاۋ- بەينەۋ» (454 ك م)، «قوستاناي- دەنيسوۆكا» (169 ك م)، «شۋ- بۋرىلبايتال» (184 ك م)، «ءۇشارال- دوستىق» (180 ك م)، «بالقاش- بۋرىلبايتال» (91 ك م)، «قاندى اعاش- ماقات» (332 ك م)، تاراز قالاسىن اينالىپ ءوتۋ (57 ك م) جانە قاراعاندى قالاسىن اينالىپ ءوتۋ (48 ك م) جولى.

«بۇل جولداردا اقىلى جۇيەنى ەنگىزۋ ولاردىڭ جاعدايى مەن قىزمەت كورسەتۋ ساپاسىن جاقسارتۋعا، سونداي- اق قوزعالىس قاۋىپسىزدىگىن ارتتىرۋعا باعىتتالعان. قازىرگى كەزدە جالپى ۇزىندىعى 710 شاقىرىم، ياعني « قىزىلوردا- ارال» (455 شاقىرىم)، «اقتوبە- مارتوك» (92 شاقىرىم) جانە «قوستاناي- ترويتسك» (163 شاقىرىم) اۆتوجولداردىڭ ءۇش ۋچاسكەسىندە اقى الۋ جۇيەسىن (ا ا ج) ەنگىزۋ بويىنشا نورماتيۆتىك- قۇقىقتىق اكتىلەردىڭ (ن ق ا) جوبالارى ازىرلەندى. وسى ۋچاسكەلەردە ا ا ج ەنگىزۋ بيىلدىڭ 1 -قازانىنان باستالادى دەپ جوسپارلانعان. سونىمەن قاتار، جالپى ۇزىندىعى 1,5 مىڭ شاقىرىم بولاتىن قالعان 8 جول ۋچاسكەسى اقىلى جۇيەنى قوسۋ ءۇشىن ن ق ا جوبالارىن كەلىسۋ جانە تالقىلاۋ ساتىسىندا تۇر»، - دەپ اتالىپ وتكەن مينيسترلىك اقپاراتىندا.

بۇعان دەيىن اقىلى جولداردا ك ىم تەگىن جۇرە الاتىنىن جازعان ەدىك.

كولىك ءمينيسترى مارات قارابايەۆ اقىلى جولدىڭ اقشاسىن تولەمەگەندەرگە اۆتوماتتى تۇردە ايىپپۇل تاعايىنداۋ قالاي ىسكە اساتىنىن ايتتى.

اۆتور

رۋسلان عابباسوۆ