بيىل قاي ماماندىقتارعا گرانت كوپ بولىنەدى

мамандық
Фото: rally36.ru

استانا. KAZINFORM - بيىل باكالاۆريات دەڭگەيىنە 78219 ءبىلىم گرانتى بولىنەدى. بۇل تۋرالى عىلىم جانە جوعارى ءبىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم كوميتەتى ءتوراعاسىنىڭ ورىنباسارى جاننا ەسينبايەۆا ايتىپ بەردى.

«2024-2025 وقۋ جىلىنا ارنالعان مەملەكەتتىك ءبىلىم بەرۋ تاپسىرىسى بەكىتىلدى. تۇلەكتەر قانداي باعىتتار، ءبىلىم بەرۋ باعدارلامالارىنىڭ قانداي توپتارى بويىنشا قانشا گرانت بولىنگەنىن كورە الادى. بيىل عىلىم جانە جوعارى ءبىلىم مينيسترلىگىنىڭ جەلىسى بويىنشا باكالاۆريات دەڭگەيىنە 78219 گرانت، ماگيستراتۋرا دەڭگەيىنە - 13119 جانە دوكتورانتۋرا دەڭگەيىنە - 1919 گرانت بولدىك»، - دەپ تولىقتىردى جوعارى جانە جوعارى وقۋ ورنىنان كەيىنگى ءبىلىم كوميتەتى ءتوراعاسىنىڭ ورىنباسارى جاننا ەسينبايەۆا.

ونىڭ ايتۋىنشا، بيىل گرانتتاردىڭ ەڭ كوپ سانى ينجەنەرلىك-تەحنيكالىق باعىتتارعا بەرىلەدى. بۇل مەملەكەت باسشىسىنىڭ مەملەكەتتىك تاپسىرىستىڭ %60 دان استامىن تەحنيكالىق باعىتتار بويىنشا ماماندار دايارلاۋعا بەرۋ تاپسىرماسىنا سايكەس جاسالعان.

«ينجەنەرلىك عىلىمدار، قۇرىلىس عىلىمدارى، اقپاراتتىق-كوممۋنيكاتسيالىق تەحنولوگيالار، اقپاراتتىق قاۋىپسىزدىك، جاراتىلىستانۋ عىلىمدارى، ماتەماتيكا، ستاتيستيكا - مۇنىڭ بارلىعى مەملەكەتتىك تاپسىرىستىڭ جالپى كولەمىنىڭ شامامەن %60 قۇرايدى»، - دەپ ناقتىلادى سپيكەر.

سونىمەن بىرگە، پەداگوگيكالىق باعىتتارعا 13 مىڭ گرانت ءبولىندى.

سوڭعى جاڭالىقتار