بيىل ەلىمىزدە اقىلى جولدار كوبەيىپ، تاريف ءوسۋى مۇمكىن

гуманитарлық жүкті тасу үшін 40-тан астам өтінім келген
Фото: Kazinform

استانا. KAZINFORM - كولىك مينيسترلىگى وسى جىلى 11 جول ۋچاسكەسى اقىلى بولاتىنىن جاريالادى.

«قازىر ەلىمىز بويىنشا ۇزىندىعى 3,2 مىڭ ك م بولاتىن 17 اقىلى ۋچاسكە جۇمىس ىستەپ تۇر، ولار 2013-2023 -جىلدار ارالىعىندا كەزەڭ- كەزەڭىمەن ەنگىزىلدى. بيىل جول- جوندەۋ جۇمىستارىنىڭ اياقتالۋىنا قاراي ۇزىندىعى 2,2 مىڭ ك م اۆتوجولداردىڭ 11 ۋچاسكەسىندە اقى الۋ جۇيەسىن ەنگىزۋ جوسپارلانعان»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

قازىر مىنا جولدار اقىلى:

- 2013 -جىلى - «استانا - شۋچينسك» (211 ك م)؛

- 2019 -جىلى - «استانا - تەمىرتاۋ»، «الماتى - قونايەۆ»، «الماتى - قورعاس» (682 ك م)؛

- 2021 -جىلى - «استانا - پاۆلودار»، «قونايەۆ - تالدىقورگان»، «تاراز - قاينار»، «شىمكەنت - قىزىلوردا»، «شىمكەنت - تاراز»، «شىمكەنت - تاشكەنت»، «شۋچينسك - كوكشەتاۋ» (1479 ك م)؛

- 2023 -جىلى - «پاۆلودار- سەمەي- قالباتاۋ»؛ «بەينەۋ- اقجىگىت»؛ «ورال- سامارا»؛ «پاۆلودار- ومبى»؛ «كوكشەتاۋ- پەتروپاۆل»؛ «ورال- ساراتوۆ» (1060 ك م).

«2023 -جىلعى قازاننان باستاپ 1 ساناتتاعى جولدارداعى اقىلى ۋچاسكەلەر بويىنشا تاريفتەر ا ە ك- كە بايلانىستى 20 پايىزعا ءوستى، ياعني، جەڭىل اۆتوموبيلدەر ءۇشىن تاريف 1,2 ت گ/ك م، جۇك اۆتوموبيلدەرى ءۇشىن جۇك كوتەرگىشتىگىنە بايلانىستى 6 تەڭگەدەن 30 تەڭگەگە دەيىن. قازىرگى كەزدە اۆتوموبيل جولدارى كوميتەتى، «قازاۆتوجول» ۇ ك» ا ق جانە «قازجولعزي» ا ق بىرلەسىپ كولىكتىك اعىننىڭ ۇلعايۋىن ەسكەرە وتىرىپ، اقىلى ۋچاسكەلەر بويىنشا جول ءجۇرۋ ءتاريفىن قايتا قاراۋ بويىنشا ۇسىنىستاردى پىسىقتاپ جاتىر»، - دەپ اتالىپ وتكەن كولىك مينيسترلىگى اقپاراتىندا.

سوڭعى جاڭالىقتار