بيىل جولداردى جوندەۋگە 781 ميلليارد تەڭگە قاراستىرىلعان - «قازاۆتوجول»

استانا. KAZINFORM - بيىل 8800 شاقىرىم جولدا ءتۇرلى جوندەۋ جۇمىستارى جۇرگىزىلەدى. بۇل تۋرالى «قازاۆتوجول» ۇ ك» ا ق باسقارما ءتوراعاسى دارحان يماناشيەۆ ايتتى.

- بيىل ەلىمىزدىڭ كولىك ينفراقۇرىلىمىنىڭ ماڭىزدى باعىتتارىن قامتيتىن اۋقىمدى جول-قۇرىلىس ماۋسىمى باستالادى. جول سالاسىن جاڭعىرتۋ ماقساتىندا 8800 شاقىرىم اۆتوموبيل جولدارىندا ءتۇرلى جوندەۋ جۇمىستارى جۇرگىزىلمەك، - دەدى ول ورتالىق كوممۋنيكاتسيالار قىزمەتىندەگى بريفينگتە.

ونىڭ ىشىندە:

• 2100 شاقىرىمدا قۇرىلىس جانە قايتا جاڭارتۋ؛

• 460 شاقىرىمدا كۇردەلى جوندەۋ؛

• 6300 شاقىرىمدا ورتاشا جوندەۋ جۇمىستارى.

- جوسپارلانعان جۇمىستاردى ورىنداۋعا شامامەن 10000 بىرلىك جول-قۇرىلىس تەحنيكاسى، 27 اسفالت بەتون زاۋىتى جانە 25 مىڭ مامان جۇمىلدىرىلاتىن بولادى. جوبالاردى ىسكە اسىرۋ بارىسىندا 9,4 ميلليون توننا اسفالت بەتون قوسپاسى، 12 ميلليون تەكشە مەتر قيىرشىق تاس جانە 500000 توننا بيتۋم قولدانۋ جوسپارلانعان. بارلىق جوبالاردى جۇزەگە اسىرۋ ءۇشىن شامامەن 781 ميلليارد تەڭگە كولەمىندە قارجى قاراستىرىلعان، - دەدى دارحان يماناشيەۆ.

بۇعان دەيىن بيىل «جەزقازعان - قاراعاندى»، «سارى اعاش ق. اينالما جولى»، «رۋدنىي ق. اينالما جولى»، «اقتوبە -ۇلعايسىن»، « قىزىلوردا ق. اينالما جولى»، «تۇركىستان ق. اينالما جولى»، «بەينەۋ - بوزوي - شالقار» جانە « قىزىلوردا - سەكسەۋىل» ماڭىزدى جوبالارىنىڭ قۇرىلىسىنا ەرەكشە كوڭىل بولىنەتىندىگىن جازعان ەدىك.

اۆتور

مارلان جيەمباي